Прэтэндэнт на пасаду прэзідэнта лідар кампаніі «Еўрапейская Беларусь» Андрэй Саннікаў упэўнены, што яго ініцыятыўная група збярэ неабходную колькасць подпісаў грамадзян для рэгістрацыі кандыдатам. Пра гэта палітык заявіў 12 кастрычніка ў Магілёве.
Паводле сцвярджэння Саннікава,
у падтрымку яго кандыдатуры ўжо сабрана больш за палову неабходных 100 тысяч подпісаў.
«Наведваючы Бабруйск і Магілёў, я ўбачыў, што людзі даволі актыўна падпісваюцца, — падзяліўся ўражаннем Саннікаў. — Падпісваецца шмат пажылых людзей, якія расчараваліся ў Лукашэнку і гэтай дыктатарскай сістэме. І гэта адметная рыса цяперашняй выбарчай кампаніі».
0
0
0
0
0
0
