Пашчасціла пабываць на сустрэчы кандыдата ў прэзідэнты РБ Уладзіміра Някляева з выбаршчыкамі ў Барысаўскім кінатэатры «Кастрычнік».Усё прайшло арганізавана, як кажуць, на высокім узроўні.
Тыя чуткі, якія распаўсюджваюцца злымі людзьмі пра паэта, у мінулым кіраўніка літаратурнага Саюза беларускіх пісьменнікаў, былі развеяны адначасна. Няма такога пытання, на якое не даваўся б вычарпальны адказ.
Яшчэ да сустрэчы многія члены ініцыятыўнай групы атрымалі значкі, шалікі, торбы, мегафоны, візіткі, кнігі апошніх выданняў ад Някляева. Цяпер хаджу з шалікам «За Някляева», і два хлопцы прывіталі мяне, зазначыўшы, што яны таксама за Някляева.
Чаго баяцца? Усё дазваляецца законам. Толькі пасля 19 снежня гэтая атрыбутыка стане сувенірамі. А сёння яна павінна працаваць.
Так што выходзьце, някляеўцы, у гарады і вёскі, як гэта робяць у нашым рэгіёне саннікаўцы, і агітуйце за Някляева, калі Вы прычыніліся да гэтай справы.
0
0
0
0
0
0
