Лонданскі «Чэлсі» абвясціў аб прызначэнні на пасаду галоўнага трэнера каманды 33-гадовага партугальскага спецыяліста Андрэ Вілаш-Боаша. Былы рулявы «Порту» падпісаў з «сінімі» трохгадовы кантракт і неадкладна прыступіў да працы.
Андрэ Вілаш-Боаш (злева) і ўжо новы трэнер "Порту" Вітор Перэйра.
«Андрэ - выдатны кандыдат на пасаду галоўнага трэнера. Ён адзін з самых таленавітых маладых трэнераў у сучасным футболе і ўжо шмат чаго паспеў дамагчыся за параўнальна кароткі прамежак часу. Яго амбіцыі адпавядаюць амбіцыям «Чэлсі». Мы ўпэўненыя, што пад кіраўніцтвам Андрэ наша каманда даможацца значных поспехаў як на хатняй арэне, так і ў еўракубках.
Андрэ вярнуўся ў клуб, з якім ён добра знаёмы - ён ужо працаваў тут на працягу трох гадоў. У «Чэлсі» заўсёды былі пра яго высокай думкі, мы вітаем яго і радыя будзем супрацоўніцтву з ім», - гаворыцца ў заяве на афіцыйным сайце «Чэлсі».
Нагадаем, што Вілаш-Боаш напярэдадні ў аднабаковым парадку скасаваў кантракт з «Порту», які ён прывёў да перамогі ў Лізе Еўропы, за што партугальскаму клубу належыць кампенсацыя ў памеры 15 мільёнаў еўра, выплату якой узяў на сябе «Чэлсі».
Раней лонданскі клуб адправіў у адстаўку Карла Анчэоцці, які не здолеў у сезоне-2010/11 заваяваць для «Чэлсі» якія-небудзь трафеі пасля «залатога дубля» годам раней.
Вілаш-Боаш працаваў у трэнерскім штабе «Чэлсі» ў гады, калі гэтую каманду узначальваў Жазэ Маўрынью.
