Дом адзінай Беларусі адкрываў кіраўнік МЗС Літвы Аўдронюс Ажубаліс.
У сваім звароце да ўдзельнікаў гэтай падзеі кіраўнік МЗС Літвы Аўдронюс Ажубаліс выказаў упэўненасць у тым, што прадстаўнікі дэмсілаў Беларусі ў адзін дзень «змогуць вярнуцца ў сваю краіну для пабудовы дэмакратыі», і заклікаў іх аб’яднаць высілкі на карысць сваёй радзімы.
У сваю чаргу кіраўнік парламенцкага камітэта па замежных справах Эмануэліс Зінгерыс параўнаў цяперашнюю Беларусь з Груцкім паркам у Літве.
Дом адзінай Беларусі — прадстаўніцтва беларускіх дэмакратычных сіл, якое мае на мэце аб’яднаць беларускіх дэмакратаў, якія знаходзяцца пасля вядомых падзеяў 19 снежня 2010 года (некаторыя называюць іх не інакш як «крывавай нядзеляй») у вымушанай эміграцыі.
На цырымоніі таксама прысутнічалі парламентарыі Вілія
Місія Дома, падкрэсліў А. Ажубаліс, складаецца ў тым,
каб «працаваць на беларусаў, якія знаходзяцца ў выгнанні, якія былі вымушаныя пакінуць сваю краіну паўгода таму, пасля падзей снежня 2010».Ён запрасіў літоўскія і беларускія няўрадавыя арганізацыі, інтэлектуалаў і інтэлігенцыю аб’ядноўвацца ў гэтым доме і разам ажыццяўляць культурныя і навуковыя праекты на карысць Беларусі.
«Мы заклікаем актывістаў грамадзянскай супольнасці, прадстаўнікоў палітычных і дэмакратычных рухаў, інтэлектуалаў і студэнтаў заклапаціцца сітуацыяй у Беларусі, прыйсці і працаваць тут, дапамагчы Дому ў яго місіі. Адкрыццё дома — яшчэ адна магчымасць для лепшай каардынацыі і рэалізацыі сумесных праектаў з літоўскімі партнёрамі», — заклікаў міністр.
«Скульптуры Фелікса Дзяржынскага вярнуліся, вярнуліся брэжнеўскія часы, г.зн. усё тое, супраць чаго ў часы „Саюдзіса“ ішла барацьба. І праз 20 гадоў вы працягваеце тую ж барацьбу. Мы разумеем, за што і за якія каштоўнасці вы змагаецеся (…)
Спадар Лукашэнка працягвае традыцыі „імперыі зла“ ў фармаце маленькага вострава. Мы спадзяемся, што вы створыце магчымасць для звяржэння гэтага жудаснага рэжыму»,— сказаў кіраўнік камітэта па замежных справах Сейма Літвы Э. Зінгерыс, звяртаючыся да беларускіх дэмакратаў. Ён таксама нагадаў пра рашэнне суда ў Гаазе ў дачыненні да Муамара Кадафі, традыцыі «Саюдзіса» і польскай «Салідарнасці».
Палітык запэўніў, што заходнія краіны — ЕС, ЗША, Канада — «за вас». Паводле яго словаў, «беларусы робяць сваю рэальнасць, а не Аляксандар Лукашэнка».
Адкрыццё Дома адзінай Беларусі стала магчымым дзякуючы садзейнічанню МЗС і Сейма Літвы. Па словах Віктара Гарбачова, кіраўніка беларускай арганізацыі «За свабоднае прадпрымальніцтва», рамонт памяшканняў беларусы зрабілі самі.
«За тры тыдні», — удакладніў ён.
Ля сцяны былі выстаўленыя тры сцягі: сцяг Літвы, ЕС і