Між губернатарам Віцебскай вобласці Аляксандрам Косінцам і кіраўніцтвам абласнога ўпраўлення ААБ «Беларусбанк» падпісанае пагадненне аб ільготным крэдытаванні суб’ектаў малога бізнэсу.
Пагадненне падпісанае ў рамках Указа прэзідэнта № 255 «Аб некаторых мерах дзяржаўнай падтрымкі малога прадпрымальніцтва». Паводле словаў начальніка ўпраўлення развіцця прадпрымальніцтва Віцебскага аблвыканкама Валянціна Цвяткова, права на льготы маюць індывідуальныя прадпрымальнікі, зарэгістраваныя ў РБ, мікраарганізацыі з колькасцю да 15 чалавек і малыя арганізацыі (ад 16 да 100 работнікаў).
Памер працэнтнай стаўкі па размешчаных у банку сродках мясцовых бюджэтаў — 0,5 стаўкі рэфінансавання плюс 2%. Гэта значыць, 15,5%. Тэрмін крэдыту — 3 гады. Банк, аблвыканкам і грамадскія арганізацыі прадпрымальніцтва будуць ацэньваць прадстаўленыя інвестыцыйныя праекты. Прыярытэт будуць аддаваць вытворчасці прадукцыі, накіраванай на энерга- і рэсурсазберажэнне; развіццю вытворчасці тавараў і паслуг; вытворчасці
