Як паведамляе «Белавія», у адпаведнасці з пагадненнем пасажыры нацыянальнага авіяперавозчыка Беларусі,
купіўшы білет Rail&Fly, могуць дабрацца на цягнікуз/у любы нямецкі горад да/з аэрапортаў Франкфурт, Гановер ці Берлін.
Пакарыстацца білетам Rail&Fly магчыма на працягу 24 гадзін да моманту вылету паветранага судна з аэрапорта Германіі, а таксама на працягу 24 гадзін пасля прылёту самалёта. Нумар цягніка і час яго адпраўлення, указаныя ў білеце, не з’яўляюцца абавязковымі. Пасажыр можа рухацца да канцавога пункта маршруту з неабходнымі перасадкамі, самастойна выбіраючы час і тып цягніка. Расклад руху цягнікоў можна знайсці на сайце Нямецкай чыгункі www.bahn.de.
Забраніраваць і купіць білет Rail&Fly можна ў офісах кампаніі «Белавія» або ў турыстычных агенцтвах. Пакуль паслуга не даступна пры браніраванні і афармленні авіябілетаў праз сайт авіякампаніі www.belavia.by.
Паводле слоў генеральнага дырэктара «Белавія» Анатоля Гусарава, камбінаваныя перавозкі з кожным годам становяцца ўсё больш запатрабаванымі. У перспектыве плануецца ўвядзенне камбінаваных білетаў і ў іншых краінах.