Абавязковае чыпаванне хатніх жывёл плануецца ўвесці ў Беларусі.Аб гэтым паведаміў журналістам старшыня пастаяннай камісіі палаты прадстаўнікоў па праблемах чарнобыльскай катастрофы, экалогіі і прыродакарыстанні Сяргей Канопліч.
Гэта прадугледжана законапраектам «Аб абыходжанні з жывёламі», які быў прыняты сёння ў Палаце прадстаўнікоў Нацыянальнага сходу ў першым чытанні.
«Чалавек павінен вельмі выразна зразумець, што хатняя жывёла — не плюшавы мішка, з якім можна пагуляцца, а потым выкінуць у смецце», — адзначыў Канопліч, каментуючы законапраект для СМІ.
Менавіта чып не толькі дапаможа ўладальніку вярнуць згубленую жывёлу, але і не дазволіць выкідваць гадаванца на вуліцу.
Дакумент таксама прадугледжвае, што ва ўладальнікаў жывёл з’явіцца шэраг абавязкаў. Напрыклад, трэба будзе забяспечваць цішыню ў жылых памяшканнях, выгульваць сабак у грамадскіх месцах на павадку і ў намордніку, мець пры сабе падчас знаходжання з
Мяркуецца ўвесці забарону на ўтрыманне
У законапраекце нямала месца нададзена пытанням рэгулявання колькасці безнаглядных жывёл, іх адлову і далейшага ўтрымання, стварэння і дзейнасці прытулкаў для жывёл, а таксама выпадкам правамернага забойства жывёл.
Цяпер у Беларусі адсутнічае адзіны закон, які рэгулюе правілы абыходжання з жывёламі. Каб папоўніць гэты заканадаўчы прабел, а таксама ў сувязі са шматлікімі зваротамі ад грамадзян і грамадскіх заабарончых аб’яднанняў і было вырашана падрыхтаваць адпаведны законапраект.
