Абсалютную большасць месц у парламенце атрымала партыя «Шлях — сацыял-дэмакратыя» на чале з былым прэм’ерам Робэртам Фіца. У яе будзе 83 са 150 дэпутацкіх месцаў. У парламент прайшлі яшчэ 5 партый, у тым ліку партыя вугорскай меншасці.
Упершыню за посткамуністычны перыяд не адолела 5-працэнтавага бар’еру саюзніца сацыял-дэмакратаў нацыяналістычная Славацкая нацыянальная партыя. У той жа час колішні лідар правіцы, Хрысціянска-дэмакратычная партыя, ледзьве адолела мінімальны бар’ер. Давер да яе рэзка ўпаў пасля карупцыйнага скандалу, у які былі замяшаны некаторыя яе лідары.
МБ
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
