Форвард зборнай Беларусі па хакеі іханты-мансійскай «Югры» (КХЛ) Сяргей Дзямагін не згуляе за нацыянальную каманду на чэмпіянаце свету, паведамляецца 18 красавіка на сайце Федэрацыі хакея Беларусі. Форвард нядаўна прайшоў курс лячэння пасля траўмы, і зараз, на думку дактароў, Сяргею неабходны поўны спакой.
«Сёння размаўляў з Сяргеем. Ён вельмі хацеў прыехаць, быць разам з камандай. Зборнай, вядома, будзе не хапаць яго на чэмпіянаце свету. Але зараз яму трэба поўнасцю аднавіцца. Тым больш што ў яго ўжо ёсць негатыўны вопыт: недалячыўся, вярнуўся ў гульню, а стан здароўя пагоршыўся», — пракаментаваў генеральны менеджар зборнай Уладзімір Сафонаў.
0
0
0
0
0
0