19 верасня ў Цэнтральнай навуковай бібліятэцы імя Якуба Коласа НАН Беларусі прэзентавалі кнігу «Акадэмік Пётр Прахарэнка». Яна прысвечана вядомаму беларускаму вучонаму ў галіне фізікі неразбуральнага кантролю і тэхнічнай дыягностыкі, аўтару больш як 350 навуковых прац, у тым ліку дзевяці манаграфій і 70 вынаходстваў.
Кніга ўяўляе сабой не проста жыццяпіс вучонага, у выданні ёсць фотаздымкі з сямейнага архіва, успаміны яго блізкіх і калег, разважанні аб жыцці, людзях і ўзаемаадносінах самога Пятра Прахарэнкі.
У
«Вось ужо чатыры гады, як і бацькі няма з намі, але мы дагэтуль адчуваем яго любоў, ён заўсёды побач, — падзялілася з прысутнымі Марыя. — Калі бацькі сыходзяць, іх любоў застаецца з намі. Я не спыняю дыялог са сваім бацькам. Прымаючы нейкія важныя рашэнні, заўсёды думаю, як бы ён да гэтага паставіўся, як бы зрабіў».
Да прэзентацыі кнігі пра жыццё і дзейнасць Прахарэнкі была падрыхтавана выстава «Жыццё ў навуцы. Памяці вучонага Пятра Прахарэнкі». Выставу склалі навуковыя працы, манаграфіі акадэміка. Яна будзе адкрыта яшчэ тыдзень у чытальнай зале прыродазнаўчых і тэхнічных навук. Кніга пра вядомага акадэміка выйшла ў выдавецтве «Чатыры чвэрці».