ФК БАТЭ падзякаваў заўзятарам за падтрымку падчас матча групавога раўнду Лігі чэмпіёнаў супраць «Баварыі», які барысаўскі клуб феерычна выйграў з лікам 3:1.
Стадыён не змаўкаў ні на хвіліну, а па заканчэнні гульні заўзятары некалькі хвілін заставаліся на месцах, стоячы вітаючы футбалістаў.
Словы падзякі змешчаныя на афіцыйным сайце клуба.
Дзякуй нашым заўзятарам!
Учора позна ўвечары БАТЭ атрымаў яркую і заслужаную перамогу над адным з самых тытулаваных клубаў еўрапейскага футбола — мюнхенскай «Баварыяй».
Мы ад усяго сэрца дзякуем усім заўзятарам, якія прыйшлі на трыбуны мінскага стадыёна «Дынама». Без вас вікторыя над грандам з Мюнхена была б немагчымая.
Мы доўга ішлі да першай хатняй перамогі ў галоўным клубным турніры Еўропы. І адданыя заўзятары, бліскуча падтрымлівалі БАТЭ на працягу ўсяго шляху, дапамагалі наблізіць гэты поспех.
Ад душы віншуем усіх«жоўта-сініх» з перамогай і запрашаем падтрымаць нашу каманду дома і на выездзе не толькі ў Лізе чэмпіёнаў, але і ў іншых турнірах.
Да перамогі — разам!
Наступны матч БАТЭ правядзе 23 кастрычніка ў Мінску супраць «Валенсіі».
БАТЭ — 6 (6–2), Баварыя — 3 (3–4), Валенсія — 3 (3–2), Ліль — 0 (1–5).