Галоўны трэнер барысаўскага БАТЭ Віктар Ганчарэнка напярэдадні матчу Лігі чэмпіёнаў супраць французскага «Ліля» пракаментаваў стан і настрой сваёй каманды, а таксама ацаніў стан суперніка.
«Настрой, як заўсёды, добры. Што тычыцца траўмаў, то да канца сезона выбыў Паўлаў. Яшчэ можна сказаць, што выключана заўтрашняе з’яўленне на поле Мазалеўскага. Усе астатнія ў парадку.
Ці можна назваць матч з «Лілем» паядынкам года? У нас такіх матчаў было шмат. З пункту гледжання турнірнай табліцы Лігі чэмпіёнаў, напэўна, так.
«Ліль» — паранены звер? Наўрад ці. У іх нядрэнны падбор гульцоў. Калі б у мінулым туры каманда абыграла «Лар’ян», то зраўнялася б па ачках з ПСЖ.
Матч5-га тура групавога раўнду Лігі чэмпіёнаў БАТЭ — «Ліль» пройдзе заўтра, 20 лістапада, на мінскім стадыёне «Дынама» і пачнецца, а 20:00. Квіткі яшчэ ёсць у продажы.
0
0
0
0
0
0
