На інтэрнэт–аўкцыёне ebay.de выкладзеныя на продаж здымкі германскіх жаўнераў пад урачыстай брамаю, з нацысцкім і савецкімі сцягамі ды вітаннямі Сталіну.
«Да здравствует вождь міровой революціі отец народа СТАЛІН», напісана на расцяжцы па-руску. Над брамаю відаць чырвоны сцяг са свастыкай і чырвоны сцяг з сярпом і молатам.
Акрамя таго, на некаторых здымках відаць, як мясцовыя кабеты вітаюць новую ўладу. Ёсць фота танцаў з «вызваліцелямі». А таксама нямецкі аэрадром каля мястэчка.
Як вядома, на пачатку Другой сусветнай вайны немцы раней за Саветы захапілі Берасце і Высокае, дайшлі да Бярозы (дзякуючы гэтаму разбеглася ахова Бяроза-Картузскага лагера). Цяжкія баі паміж нацыстамі і палякамі адбыліся каля Кобрына.
Пасля Гітлер перадаў тэрыторыі на ўсход ад Буга сваім савецкім саюзнікам.
Кошт здымкаў — ад 1 еўра.
Цяпер чытаюць
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары