Каляндар
150 гадоў з дня нараджэньня «народніка» Ігната Грынявіцкага, беларуса-царазабойцы (1855—1881).
5 — 50 гадоў з дня нараджэньня гісторыка музыкі Вольгі Дадзiёмавай (1955).
8 — 475 гадоў з дня сьмерці князя Канстанціна Астроскага (1460—1530), гетмана ВКЛ, пераможцы Аршанскай бітвы.
10 — 100 гадоў з дня нараджэньня беларускай і расейскай артысткі балету, пэдагога Ніны Младзінскай (1905—1995).
12 — 50 гадоў з дня сьмерці нямецкага пісьменьніка Томаса Мана. Па-беларуску раманам «Доктар Фаўстус» пачалася сэрыя «Скарбы сусьветнай літаратуры».
15 — 225 гадоў з дня нараджэньня гісторыка, археографа, архівіста Ігната Анацэвіча (1780—1845).
15 — Спленьне ў каталікоў.
19 — Яблычны Спас у праваслаўных.
23 — 125 гадоў з дня нараджэньня Аляксандра Грына (Грынеўскага, 1880—1932), расейскага пісьменьніка-рамантыка. Сын удзельніка паўстаньня Каліноўскага. Аповесьць «Пунсовыя ветразі» пісаў, знаходзячыся на службе пад Віцебскам.
25 — 100 гадоў з дня нараджэньня сьпевака Мікалая Лазарава (1905—1980).
25 — 325 гадоў з дня сьмерці Сімяона Полацкага (1629—1680).
25 — 50 гадоў з дня нараджэньня опэрнага сьпевака Мiхаiла Рысава (1955). З 1990 г. у Iталii, спявае ў найбуйнейшых тэатрах сьвету.
26 — 125 гадоў з дня нараджэньня францускага паэта беларускага паходжаньня Гіёма Апалінэра (сапр. Гіём Альбэр Уладзімер Аляксандар Апалінары Кастравіцкі, 1880—1918).
28 — Спленьне ў праваслаўных.
28 — 100 гадоў з дня нараджэньня мастака Фёдара Дарашэвіча (1905—1986).
30 — 100 гадоў з дня нараджэньня вайсковага мэдыка Аляксандра Сабалеўскага (1905—1988). Удзельнічаў у 812-дзённым дрэйфе ледакола «Георгi Сядоў» у Паўночным Ледавiтым акiяне (1937—1940), за што атрымаў званьне Героя Савецкага Саюзу (1940).
