У Расіі — снежны калапс: затор на трасе ў Цвярской вобласці 55 км 4

Даўжыня затора на трасе М10 «Расія» ў Цвярской вобласці складае каля 55 км.

Для ліквідацыі наступстваў стыхійнага бедства ў рэгіёне працуюць дадатковыя нарады ДПС, ратавальнікаў, уборачнай тэхнікі.

Прычынай надзвычайнай сітуацыі на трасе стала рэкордная колькасць ападкаў, якія выпалі ўвечары 30 лістапада.

Як паведамляюць расійскія СМІ, у нядзелю сітуацыя на трасе ўскладнілася тым, што аўтамабілі былі вымушаныя саступіць дарогу снегаўборачнай тэхніцы. Рух па адной з галоўных транспартных артэрый Расіі быў паралізаваны, сувязь паміж Пецярбургам і Масквой спынілася.

Раней дальнабойнікі заявілі, што даўжыня затору складае каля 200 км, і аўтамабілі расцягнуліся ад Кліна да Таржка.

Чуткі абверг прадстаўнік прэс-службы Дзяржаўтаінспекцыі МУС Расіі. Паводле яго інфармацыі дарога расчышчаная ў абодва бакі па адной паласе, легкавы транспарт едзе нармальна, а вось фуры ідуць цяжка, з хуткасцю прыкладна 5–10 кіламетраў у гадзіну.

Ліквідаваць затор на трасе абяцаюць да раніцы панядзелка.

Сtv.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ