ЕС хоча асабіста вызначаць параметры грамадскага і эканамічнага развіцця Беларусі.Пра гэта міністр замежных спраў Беларусі Уладзімір Макей заявіў у інтэрв’ю расійскай газеце «Красная Звезда», тэкст якога размешчаны на афіцыйным сайце МЗС Беларусі.
«Еўрасаюз хоча асабіста вызначаць параметры грамадскага і эканамічнага развіцця нашай краіны. Натуральна, не несучы ніякай адказнасці за магчымыя наступствы», — адзначыў міністр. Ён таксама падкрэсліў, што беларускі бок не прымае такога ўмяшання ва ўнутраныя справы Беларусі, адстойвае суверэннае права самастойна вызначаць свой шлях развіцця.
«Мы перакананыя, што ключ да вырашэння сітуацыі знаходзіцца ў Еўрасаюза. У адрозненне ад ЕС мы не ўмешваемся ва ўнутраныя справы сваіх суседзяў.
Менавіта Еўрасаюз нясе адказнасць за страту даверу ў дыялогу. Яму і належыць ліквідаваць прычыненую шкоду», — мяркуе Уладзімір Макей.
Акрамя таго, ён адзначыў, што Беларусь гатовая да дыялогу: «Са свайго боку мы заўсёды адкажам узаемнасцю, калі Брусэль не на словах, а на справе будзе гатовы да раўнапраўных і паважлівых адносін з намі. Ад гэтага б сапраўды выйгралі інтарэсы ўсёй Еўропы. Аднак пакуль разумення гэтай неабходнасці ў ЕС мы не бачым».
Міністр таксама нагадаў, што ў 2011 годзе ЕС пашырыў санкцыі ў дачыненні да шэрагу беларускіх службовых асоб і кампаній (усяго — 243 грамадзяніны і 32 кампаніі). «Нягледзячы на гэта, эканамічныя адносіны паміж Беларуссю і ЕС на ўзроўні кампаній развіваюцца даволі дынамічна», — сказаў кіраўнік МЗС. Ён паведаміў, што ў
«Наша
