Глыбоцкі ліцэй знайшоў крайняга 3

Кіраўніцтва навучальнай установы настойвае на тым, што не адпраўляла сваіх студэнтаў на экстраную прыборку льну з-пад першага снегу, пра што пісалі многія беларускія СМІ напрыканцы кастрычніка.

22 лістапада ў газеце пад рубрыкай «Рэха падзей» быў размешчаны матэрыял, у якім з падзагалоўкам «Глыбокае» паведамлялася: «Расійскі тэлеканал «НТВ» у выпуску навінаў паказаў, як навучэнцаў прафліцэя прымушалі ратаваць лён з-пад снегу, але з-за цэнзуры ў Беларусі гэты сюжэт не паказалі.

Такі сюжэт насамрэч быў падрыхтаваны журналістам «НТВ» Аляксеем Прокіным і 30 кастрычніка выйшаў у расійскі эфір.

Аднак пасля ўзгадкі яго ў «Вольным Глыбокім» кіраўніцтва мясцовага ліцэя звярнулася ў рэдакцыю па тлумачэнне і запатрабавала публічна абвергнуць узгаданы факт.

На думку кіраўніцтва і педагагічнага калектыву, «матэрыял „Панарама ўнутрыабласных падзей“ напісаны беспадстаўна і падрывае аўтарытэт навучальнай установы».

У доказ сваёй праваты дырэктар ліцэя прыводзіць той факт, што першы снег на Глыбоччыне выпаў на выходных, а 29 кастрычніка ўсе навучальныя групы ўжо знаходзіліся на занятках.

Цікава, што ніякіх прэтэнзій да самога расійскага тэлеканала «НТВ», які з’яўляецца першакрыніцай, Глыбоцкі дзяржаўны прафесіянальны ліцэй не выказвае.

baj.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ