03.12.2012 / 19:23

МЗС Беларусі: Выдаць візы Яўгену Вапу і Лене Глагоўскай немагчыма 5

Прычыны «немагчымасці станоўчага вырашэння гэтага пытання» не тлумачацца.

Згуртаванне беларусаў свету «Бацькаўшчына» 3 снежня атрымала адказ на звароты ў Міністэрства замежных спраў адносна магчымасці выдачы ўязных віз у Беларусь сябрам Вялікай Рады МГА «ЗБС «Бацькаўшчына» Яўгену Вапу і Лене Глагоўскай.

У лісце за подпісам намесніцы Міністра замежных спраў А. М. Купчыной, гаворыцца, што «Міністэрства замежных спраў разгледзела звароты МГА «ЗБС „Бацькаўшчына“ адносна выдачы ўязных віз грамадзянам Рэспублікі Польшча Я. Вапу і Л. Глагоўскай і

паведамляе аб немагчымасці станоўчага вырашэння гэтага пытання».

Нагадаем, старшыні ўправы «Радыё Рацыя» і галоўнаму рэдактару Тыднёвіка беларусаў у Польшчы «Ніва» Яўгену Вапу памежнікі без тлумачэння прычынаў анулявалі візу пры ўездзе ў Беларусь у траўні 2011 года. Некалькі разоў «Бацькаўшчына» дасылала звароты ў МЗС з просьбай патлумачыць прычыны анулявання візы, аднак у адказ атрымала толькі фармальную адпіску. У кастрычніку гэтага года Бацькаўшчына паўторна падрыхтавала неабходны для афармлення візы пакет дакументаў і даслала зварот у МЗС з просьбай адкрыць Яўгену Вапу ўязную візу ў Беларусь. Аднак у лістападзе Яўген Вапа ў Консульстве Беларусі ў Беластоку атрымаў пашпарт са штампам «адмоўлена».

Старшыні Беларускага культурнага таварыства «Хатка» ў Гданьску Лене Глагоўскай без тлумачэння прычынаў было адмоўлена ў атрыманні беларускай візы ў кастрычніку гэтага года ў беларускім консульстве ў Беластоку. Лена Глагоўская збіралася прыехаць у Гродна для ўдзелу ў Міжнароднай канферэнцыі «Людзі даўняй Гародні», арганізаванай Таварыствам беларускай школы.

Адказ МЗС каментуе Старшыня Рады МГА «ЗБС «Бацькаўшчына» Ніна Шыдлоўская:

«Сітуацыя, на наш погляд, вельмі недарэчная і прыкрая. Цяжка зразумець, чаму ў Беларусь, на этнічную радзіму, не пускаюць людзей, якія, жывучы за мяжой, не толькі не забываюць пра свае карані і сваю Бацькаўшчыну, але і прыкладаюць вельмі шмат намаганняў дзеля папулярызацыі беларускай культуры ў Польшчы.
Менавіта дзякуючы такім людзям як Яўген Вапа і Лена Глагоўская сёння можна гаварыць пра існаванне беларускай меншасці ў Польшчы. Безумоўна, нас вельмі непакояць такія рашэнні беларускіх дзяржаўных органаў, асабліва ўлічваючы, што ў наступным годзе Згуртаванне „Бацькаўшчына“ ладзіць Шосты з’езд беларусаў свету. Яўген Вапа і Лена Глагоўская — сябры Вялікай Рады „Бацькаўшчыны“, знакавыя асобы для беларускай дыяспары, чыя прысутнасць на з’ездзе неабходная».

0
О-о / Адказаць
03.12.2012 / 20:25
Дзякуй, выправілі. - Рэд.
0
Я / Адказаць
03.12.2012 / 21:11
"Спецыялісты" МЗС што нават не патлумачылі прычын немагчымасці станоўчага вырашэння пытання? Тады гэта звычайная бюракратычная адпіска, а не адказ на зварот грамадскага аб'яднання. І пасля гэтага яны яшчэ хочуць каб іх паважалі ў свеце і нехта з імі меў справу! Дык нашто нам такое "МЗС"?
0
Анатоль Сідарэвіч / Адказаць
04.12.2012 / 00:09
Ніна Шыдлоўская: «Сітуацыя, на наш погляд, вельмі недарэчная і прыкрая. Цяжка зразумець, чаму ў Беларусь, на этнічную радзіму, не пускаюць людзей, якія, жывучы за мяжой, не толькі не забываюць пра свае карані і сваю Бацькаўшчыну..." ================ Этнічная радзіма Яўгена Вапы і Лены Глагоўскай -- беларускае Падляшша, якое Сталін аддаў Польшчы. І на сваю этнічную радзіму, у Ярылаўку, Лена ездзіць без візы. Беларусь, калі б яна была беларускаю і дэмакратычнаю, трэба было б называць МЕТРАПОЛІЯЙ для беларусаў замежжа, у тым ліку для беларусаў этнічна беларускіх тэрыторый Падляшша, Віленшчыны, Латгаліі, Пскоўшчыны, Смаленшчыны, Браншчыны, Чарнігаўшчыны. А пакуль Беларусь небеларуская і недэмакратычная, "вельмі недарэчная і прыкрая" сітуацыя, як яе характарызуе Ніна Шыдлоўская будзе паўтарацца і ўзнаўляцца. Вельмі магчыма, што наступны З'езд беларусаў свату давядзецца правлдзіць за межамі метраполіі.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру