На гэта звярнула ўвагу старшы інспектар па асаблівых даручэннях УДАІ МУС Беларусі Ганна Банадык.
У неспрыяльных умовах надвор’я ДАІ раіць выбіраць бяспечную хуткасць руху з улікам стану праезнай часткі і канкрэтнай сітуацыі на дарозе.Лепш пазбягаць рэзкіх тармажэнняў, асабліва на закругленнях дарог, павялічыць дыстанцыю і бакавы інтэрвал руху, адмовіцца ад абгонаў, быць вельмі ўважлівымі пры праездзе скрыжаванняў і пешаходных пераходаў. «Зніжаныя перадачы на слізкай дарозе лепшыя за павышыныя. Пры гэтым аўтамабілем лягчэй кіраваць на спусках, пад’ёмах і ў патоку машын. Ён больш паслухмяны і дынамічны», — расказала Ганна Банадык.
Яна дадала, што нават на невялікай хуткасці галалёд не даруе рэзкасці ў рухах ні пры пераключэнні перадач, ні пры разгоне, ні пры манеўраванні. На слізкай дарозе лепш увогуле не карыстацца тармазамі.Рэзкае, а часама і плаўнае тармажэнне прыводзіць да блакіроўкі колаў і непазбежнага юзу ці заносу. Тармазіць пры неабходнасці трэба імпульсна, адпускаючы тормаз пры самым нязначным намёку на слізганне. Менавіта гэты прынцып закладзены ў аснову работы антыблакіровачнай сістэмы тармазоў. Асабліва небяспечны галалёд на мастах, эстакадах, высокіх насыпах, а таксама на пад’ездах да прыпынкаў грамадскага транспарту, скрыжаваннях і пераходах. Лёд тут утвараецца нярэдка нават тады, калі яго няма на астатніх участках дарогі. Тармазіць на такіх участках вельмі небяспечна, таму трэба загадзя знізіць хуткасць.
«І ўсё ж самае галоўнае на дарозе пры любым надвор’і — павышаная ўвага і ўзаемапавага да ўсіх удзельнікаў дарожнага руху. Заўсёды лепш прапусціць аўтамабіль, — сказала Ганна Банадык.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў31
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары