05.12.2012 / 14:24

Батанічны сад Мінска пачаў продаж елак у кадках 3

Ілюстрацыйнае фота

У гэтым годзе запланавана рэалізаваць каля 100 вялікіх і 100 маленькіх елак, паведамілі ў Цэнтральным батанічным садзе Нацыянальнай акадэміі навук.

У краме Батанічнага сада можна будзе набыць як маленькае навагодняе дрэва даўжынёю да аднаго метра, так і вялікае — 1,5 м. «У 2011 годзе асартымент быў трохі шырэйшы: рэалізоўваліся таксама піхты і хвоі. У гэтым жа сезоне вырашана выставіць на продаж толькі елі. Як паказала практыка, гэтыя дрэвы карыстаюцца вялікім попытам», — сказалі ў ЦБС.

Цана на такое навагодняе дрэва прыемна здзівіць пакупнікоў. Кошт маленькай елкі складзе 152 тыс. рублёў, вялікае дрэва будзе каштаваць — 302 тыс.

Продаж жывых елак у кадках актывізуецца да сярэдзіны снежня. «У пачатку месяца навагоднія дрэвы набываюць у асноўным арганізацыі для падарункаў сваім супрацоўнікам і кліентам. Насельніцтва пачне скупляць елкі бліжэй да Новага года», — растлумачылі ў Батанічным садзе.

0
Filifionka / Адказаць
05.12.2012 / 16:06
ня ў кадках, а ў дзежках )
0
Siarzhuk / Адказаць
05.12.2012 / 19:08
Ці дастаіць гэткая ялінка да вясны, каб яе перасадзіць у глебу? Напісаў сказ і ўспомніў анэкдота. Ідзе судовы працэс аб скасаваньні шлюбу. Судзьдзя пытаецца. - Спадар, чаму вы жадаеце разыйсьціся з жонкай? - Яна занадта нудная. - ??? - Уявіце сабе - вясна, сьвята 1траўня, а яна - выкінь елку, ды выкінь елку.
0
Цiкава / Адказаць
08.12.2012 / 17:49
I мне цiкава, што потым з гэтымi елкамi робяць. Можа, батанiчны сад iх бярэ назад?
Каб пакінуць каментар, калі ласка, актывуйце JavaScript у наладах свайго браўзеру