Зацверджаны пералік юрыдычных асоб — пераможцаў конкурсу на вызначэнне юрыдычных асоб, якія забяспечваюць рэалізацыю выключнага права дзяржавы на ажыццяўленне імпарту алкагольнай прадукцыі ў 2013 годзе.Пра гэта БелаПАН паведамілі ў
У спісе 31 прадпрыемства — дзяржаўныя і прыватныя. У пераліку спецімпарцёраў на 2012 год было 29 юрыдычных асоб.
У новым спісе — РУП «Віцебскі ЛГЗ «Прыдзвінне», РВУП «Брэсцкі ЛГЗ «Белалка», РУП «Мінск Крышталь», ДП «Беларусьгандаль», ААТ «Белбакалея», ААТ «Тытуньвінгандаль» (Гомель), ТАА «Еўрагандаль», СП «Перно Рыкар Мінск» ТАА, ЗП «Гарсія», СТАА «Белвінгруп», УП «Дыяканія», СТАА «АкваТрайпл», СТАА «Завод вінаградных він «Дыяніс», ААТ «Мінскі завод пеністых він», ЗАТ «Мінскі завод вінаградных він» і іншыя.
Сістэма ўвозу алкаголю ў Беларусь змянілася ў 2008 годзе пасля ўваходжання ў сілу дэкрэта прэзідэнта № 3, які замяніў кватаванне імпарту алкагольнай прадукцыі на інстытут спецімпарцёраў. Апошніх выбіраюць паводле конкурсу. Імпартаваць алкагольныя напоі пасля перамогі ў конкурсе могуць як дзяржаўныя, гэтак і недзяржаўныя прадпрыемствы.
Згодна з дэкрэтам № 2 ад 11 красавіка 2011 года, дарагія алкагольныя напоі ўвозяцца ў Беларусь у рэжыме свабоднага імпарту.
