Улада3131

Лукашэнка звольніў кіраўніка «Беллегпрама» і грыміць на ўрад

Аляксандр Лукашэнка сёння ў час наведвання ААТ «Камволь» зрабіў строгае папярэджанне ўраду

«Вам з Мясніковічам — гэта апошні званок, — сказаў ён, звяртаючыся да першага віцэ-прэм’ера Уладзіміра Сямашкі.
— Мне вашы апраўданні не патрэбны! Я сюды не за апраўданнямі прыехаў. Я добра ведаю, што адбываецца на «Камволі». «Таму расказваць аб тым, якія вы добрыя, мне не трэба. Калі людзі без зарплаты сядзяць, калі людзі ў халодных цэхах працуюць, вы сваякоў, жонку сюды не адправілі працаваць», — падкрэсліў Аляксандр Лукашэнка.

Аляксандр Лукашэнка адзначыў, што спецыяльна адкладваў з наведваннем гэтага прадпрыемства.
«Адкладваў, спадзяваючыся на тое, што тут штосьці зробяць па сутнасці. Як я пераканаўся, гэта мяне ўразіла: тут нічога не зроблена — як было, так і было», — канстатаваў ён.

Як паведамілі Лукашэнку, прадпрыемства знаходзіцца ў глыбокім крызісе.

Тэхналагічная адсталасць вытворчасці і зношанасць абсталявання не даюць магчымасці тут выпускаць канкурэнтаздольную прадукцыю як па якасці, так і па цане. За 10 месяцаў гэтага года чыстая страта склала Br9,5 млрд., рэнтабельнасць — мінус 3,7 працэнта. На 1 лістапада крэдыторская запазычанасць склала Br31,4 млрд., у тым ліку пратэрмінаваная Br21,7 млрд. Крэдыторская запазычанасць і пратэрмінаваная яе частка павялічыліся ў параўнанні з пачаткам года ў 1,7 раза. Сярэдняя заработная плата на прадпрыемстве складае каля Br2 млн., што ў цэлым ніжэй па галіне.

«Хапаюць любыя грошы, не думаючы, як будуць вяртаць. Навошта вы іх бераце?» — звярнуўся Лукашэнка да генеральнага дырэктара ААТ «Камволь» Святланы Стрыжак.

Як адзначыла кіраўнік прадпрыемства, на гэтыя меры вымушаны ісці, каб нарасціць вытворчасць, утрымаць аб’ёмы, выканаць існуючыя заказы. «Як вы працуеце з пакупнікамі, мне часткова знаёма, — сказаў кіраўнік дзяржавы. — Яны гавораць: барані бог нас звязвацца з Мінскам. Вось, як вы працуеце з пакупнікамі. Я гэта ведаю». «Пры гэтым у Казахстане фабрыка „Бальшавічка“ брала ў вас пад дзяржзаказ, ваенным, МНС, тканіны. Вы ім паабяцалі і паспяхова гэта правалілі. І яны вам прад’яўляюць прэтэнзіі. Ужо на ўзровень Прэзідэнта гэта выйшла. Вось, як вы працуеце», — дадаў ён.

Як адзначыў першы намеснік старшыні Камітэта дзяржкантролю Леанід Анфімаў, гэта прадпрыемства краіна амаль страціла.
Калі ў савецкі час тут выпускалася каля 22 млн. пагонных метраў тканін, то сёння толькі 2 млн.м. Колькасць работнікаў на прадпрыемстве ў той час складала 7 тыс. чалавек, сёння — менш за тысячу. «Па сутнасці, тут нічога не засталося», — сказаў ён.

Першы віцэ-прэм’ер Уладзімір Сямашка ў сваю чаргу заўважыў, што такая сітуацыя характэрна для ўсіх такіх прадпрыемстваў гэтага профілю.

«За гэта прадпрыемства адказвае Русы разам з тым шлейфам, які сёння трэба аднаўляць. Сямашка адказвае за Аршанскі льнокамбінат, мадэрнізацыю яго, а Мясніковіч — за Баранавіцкае ВБА», — сказаў кіраўнік дзяржавы. «Таму мы яшчэ паглядзім, можа, у пачатку наступнага года, што зрабіў Мясніковіч на адказным прадпрыемстве, а вясной, можа, летам, паглядзім ільнокамбінат», — адзначыў Лукашэнка. «Я не ведаю, як давяраць ураду далей аб’ёмы гэтай работы», — падкрэсліў Лукашэнка.

Каментары31

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне8

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне

Усе навіны →
Усе навіны

У Мёрскім раёне жанчына загінула ад удару токам, калі надзімала басейн

Летась у Вільні ў беларусаў нарадзілася каля 100 дзяцей31

Антон чатыры гады хаваўся ад лукашыстаў у родных Баранавічах — затрымалі, калі вырашыў здаць на правы10

Лукашэнка перажывае, што на рынку Расіі «ўсе топчуцца», і хоча гандляваць з ЕС. Вось як цяпер выглядае сітуацыя ў замежным гандлі12

У Новай Зеландыі жанчына везла двухгадовае дзіця ў валізцы — паліцыя разбіраецца

Гэты дызайнер з Уганды перавярнуў свет моды — сэкандам2

Штучны інтэлект дапіша гісторыю Старажытнага Рыма там, дзе гісторыкі няздатныя супаставіць факты

У Барысаве паспрабавалі адрадзіць дыскатэкі для моладзі. Але не па кані корм11

У Вялікабрытаніі злавілі пацука памерам з ката4

больш чытаных навін
больш лайканых навін

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне8

Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне

Галоўнае
Усе навіны →

Заўвага:

 

 

 

 

Закрыць Паведаміць