Пра гэта лідар Ліберальна-дэмакратычнай партыі Беларусі заявіў 18 снежня на прэс-канферэнцыі.Афіцыйнае вылучэнне Сяргея Гайдукевіча адбудзецца вясной 2013 года на партыйным з'ездзе.
«Калі не абазначыцца ў 2013 годзе, дык будзе позна. Я не ўяўляю, як можна весці прэзідэнцкую кампанію, калі не мець запасу як мінімум паўтара года.І гэта тычыцца любога палітыка, раскручанага альбо нераскручанага», -- цытуе словы палітыка Радыё Свабода.
На яго думку, у новых прэзідэнцкіх выбарах будуць удзельнічаць чатыры, а магчыма і тры кандыдаты. Ён зазначае, што будзе ўважліва працаваць са старэйшым насельніцтвам Беларусі:
«Я хачу звярнуць асаблівую ўвагу на тых, хто ўжо прывык хадзіць на выбары; а тыя, хто сядзіць у інтэрнэце, яны могуць і выбары правесці ў інтэрнэце», — сказаў Гайдукевіч.
Што тычыцца вынікаў будучай прэзідэнцкай кампаніі, Сяргей Гайдукевіч лічыць, што на яе паўплываюць найперш два фактары: стан беларускай эканомікі на час выбараў і тое, каго з кандыдатаў падтрымае Масква, паведамляе Радыё Свабода.
Сяргей Гайдукевіч удзельнічаў у выбарах 2001 года, калі атрымаў 2,48% галасоў паводле ЦВК і выбарах 2006 года — 3,5%. На выбарах 2010 года ён зняў сваю кандыдатуру.
0
0
0
0
0
0
