Еўрапейскі суд па правах чалавека (ЕСПЧ) абавязаў Расію выплаціць 550 тыс. еўра (больш за 700 тыс. даляраў) сем’ям васьмі чачэнцаў, зніклых без вестак у першай палове2000-х .
Суд стаў на бок заяўнікаў, якія сцвярджалі, што іх сваякоў выкралі прадстаўнікі расійскіх сілавых структур.
У заяве ЕСПЧ гаворыцца, што расійскія ўлады не змаглі растлумачыць знікненне гэтых людзей.
Суд у Страсбуры таксама звярнуў увагу ўладаў Расіі на сістэматычныя праблемы з расследаваннем і разглядам у расійскіх судах спраў, звязаных з выкраданнем людзей, і заклікаў іх зрабіць захады для таго, каб пакласці канец знікненню людзей на Паўночным Каўказе.
0
0
0
0
0
0
