20.12.2012 / 21:26

Тэмпературныя рэкорды гэтага года: -34,8°С у лютым і плюс 36,7°С у жніўні 1

Начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў 20 снежня на прэс-канферэнцыі ў Мінску паведаміў пра тэмпературныя рэкорды гэтага года.

Так, паводле яго слоў, у 2012 годзе было на адзін градус вышэй за кліматычную норму. Такі цёплы год бывае ў нас практычна раз на тры гады, адзначыў спецыяліст.

Што да снежня, то летась ён быў цёплым, якім бывае прыкладна раз на 20 гадоў.

Тэмпературны рэкорд дванаццатага месяца 2012 года — 5 снежня, калі тэмпература ў Лельчыцах узнялася да +14,2°С.

Анамальна халоднай выдалася другая палова студзеня,

а таксама першая і другая дэкада лютага, калі 3-га дня ў Клічаве тэмпература паветра апусцілася да мінус 34,8°С.
Тады ж былі пабіты рэкорды па вышыні снежнага покрыва ў Жлобіне, Васілевічах і Брагіне — ад 54 да 63 см.

Вясна, як паведаміў метэаролаг, таксама выдалася цёплай, як бывае прыкладна раз на чатыры гады. Самым цёплым месяцам ён назваў красавік.

Па вільготнасці такі красавік бывае раз на 70 гадоў, заўважыў Рабаў.

Сярэдняя летняя тэмпература паветра па краіне склала +18°С, перавысіўшы норму на 1,2. Найбольш халодным і самым дажджлівым месяцам спецыяліст назваў чэрвень.

Найбольш гарачы дзень выдаўся 7 жніўня на ст. Васілевічы — плюс 36,7°С.

Восень таксама была цёплай. Сярэдняя тэмпература восеньскага паветра склала плюс 8,1°С.

28 кастрычніка ў Беларусі выпаў першы снег.

Паводле вынікаў снежня Рабаў адзначыў, што такі снежны пачатак зімы бывае раз на 10-13 гадоў.

0
мясцовы2 / Адказаць
20.12.2012 / 23:08
Дэльта ў 71,5 °С
Каб пакінуць каментар, калі ласка, актывуйце JavaScript у наладах свайго браўзеру