21.12.2012 / 15:48

Кіроўцам самазвалаў на «Граніце» значна падвысілі заробкі 1

Васіль, кіроўца самазвала на «Граніце», кажа, што зарабіў за месяц 15 мільёнаў. Аднак, заўважае ён, у гэтым павышэнні заробку ёсць і свае нюансы, бо плаціць зараз сталі за колькасць перавезенага каменю:

«Я атрымліваў 7–8, а за гэты месяц мне налічылі каля 15 мільёнаў. Аднак, тут як — хто возіць, той атрымоўвае. Раней нам за рамонт плацілі лепш — прэмію давалі. Хлопцы, што толькі ўладкаваліся і на старэнькіх БелАЗах працуюць, паатрымоўвалі толькі па 5–6 млн. А як яны рэйс той зробяць, калі ў іх БелАЗ выпрацаваў свой рэсурс?»

Рабочы кажа, што кіроўцы самазвалаў, якія перавезлі шмат каменю, зарабілі па 14–17 мільёнаў. Васіль упэўнены, што рост заробку на прадпрыемстве адбываецца найперш у выніку пратэсту працоўных:

«Гэта на 300% адыграла… Ведаеце, як яны баяцца зараз гэтага незалежнага прафсаюза? Як агню!
Пажартавалі былі хлопцы, што трэба па новаму выходзіць з прафсаюза, бо нешта там ім не спадабалася. Толькі сказалі між сабой — ужо начальства ведае і бяжыць да нас. Маўляў, што ў вас такое, мы вам усё зробім!»

Кіраўнік суполкі незалежнага прафсаюза на «Граніце» Алег Стахаевіч таксама пагаджаецца з думкай, што пратэст змусіў падвышаць заробкі:

«На снежань 2011 года заробак БелАЗістаў быў 2 мільёны 700 тысяч — 3 мільёны 500 тысяч рублёў. Зараз мы прыйшлі да тых вынікаў, якія хацелі б мець, я думаю, на ўсіх прадпрыемствах Беларусі».

Алег Стахаевіч кажа, што з ростам аплаты працы дасягнутая адна з мэтаў пратэсту.

Аднак, ён мае засцярогі, што ў выпадку поўнага знішчэння працоўнага руху сітуацыя з памерам заробку можа змяніцца.

***

    Напрыканцы 2011 года некалькі соцень працаўнікоў прадпрыемства па здабычы будаўнічага каменю «Граніт» у Мікашэвічах напісалі заявы, што выходзяць з афіцыйнага прафсаюза. Такім чынам быў выказаны пратэст супраць нізкіх, на іх думку, заробкаў, грэблівых адносінаў з боку начальства і бяздзейнасці прафсаюза. Працоўныя абвясцілі, што ствараюць на прадпрыемстве суполку Беларускага незалежнага прафсаюза. Адразу пасля гэтага сябры незалежнага прафсаюза адчулі ціск з боку адміністрацыі.

0
Кейстут / Адказаць
21.12.2012 / 17:45
Ёсць і больш праўдападобнае абгрунтаванне. "В этом году на “Граните” запустили пятую технологическую линию. Экономический эффект от ее внедрения с выходом на проектную мощность, а ее в последние месяцы уже достигли, ожидается солидный: плюс три миллиона тонн щебня в год к уже имеющимся тринадцати. Здесь создано более ста новых рабочих мест. Этот проект разработали еще в 1991 году. Актуален он был всегда — спрос на микашевичский щебень остается стабильно высоким. Однако найти инвестора, готового вложить 60—70 млн долларов, никак не удавалось. Между тем имеющееся оборудование изнашивалось. Сегодня мощности РУПП позволяют производить не более 13 млн тонн щебня, в то время как потребности предприятий стройматериалов, дорожников и строителей в этой продукции растут. Поэтому откладывать дело далее не стали, хотя рассчитывать пришлось только на внутренние источники. Модернизация “Гранита” была включена в перечень важнейших инвестпроектов на 2011 год, а объем инвестиций в нее превысил 250 млрд рублей. С вводом новой линии “Гранит” сможет производить до 16 млн тонн высококачественного щебня в год." http://www.ng.by/ru/issues?art_id=69717
Каб пакінуць каментар, калі ласка, актывуйце JavaScript у наладах свайго браўзеру