21.12.2012 / 19:40

Гандлёва-забаўляльны цэнтр над цэнтральным аўтавакзалам будзе называцца Galileo 2

Ён стане найбольшым у краіне і адкрыецца 1 мая 2013 года.

Прайшло больш за год з таго часу, як у Мінску пачаў працаваць пасля рэканструкцыі аўтавакзал Цэнтральны, і вось нарэшце здадзены ў эксплуатацыю і шматпавярховы гандлёвы комплекс на Прывакзальнай плошчы. Сёння гандлёва-забаўляльны цэнтр, які атрымаў назву Galileo, адчыніў дзверы для будучых арандатараў, якія павінны абжыць 57.000 квадратных метраў да 1 мая 2013 года.

Месца асвойвала вядомая ў Мінску дэвелаперская кампанія BNK Holding, якая будавала ўжо такія аб'екты, як Rubin Plaza і Silver Tower.

Імёны будучых арандатараў пакуль трымаюць у сакрэце, але ўжо вядома, што сем арандатараў працуюць над першым у Мінску фудкортам, а ўладальнікі Grand Café займаюцца кафэ з панарамным выглядам на Прывакзальную плошчу. Арандатарамі ўжо зарэзервавана 85% плошчаў у Galileo.

Асноўныя патокі спажыўцоў з грамадскага транспарту будуць трапляць на першы паверх, дзе размешчаны аператары сэрвісных паслуг, мабільнай сувязі, аптэка, ювелірная крама. Другі паверх - асноўная галерэя і два якарныя арандатары - харчовы і прадавец бытавой тэхнікі. Тут жа - большасць крам адзення і аксесуараў.

Гандлёвы цэнтр будзе прымаць да 30 тысяч наведвальнікаў у дзень. Асаблівая ўвага уладальнікаў - жаночага полу. Да паслуг аматарак шопінгу - усё, што належыць мець сучаснаму гандлёваму цэнтру, ад салонаў прыгажосці да пакоя маці і дзіцяці.

Наведвальнікі, якія прыехалі ў ГЦ на асабістым транспарце, змогуць скарыстацца двух'ярусным паркінгам на 500 месцаў і патрапіць у будынак з трэцяга паверху. Чацвёрты паверх комплексу зойме рэстаранная група, а вышэй - сямізальны кінатэатр. Паводле ацэнак экспертаў, акупіцца такі комплекс павінен у тэрмін да 10 гадоў.

0
Азъ / Адказаць
22.12.2012 / 06:55
О крута назвали в честь великого беларуского деятеля Галилея времён Скарины они же вместе в Питере творили.Я еще помню мне дед рассказывал что ему его дед рассказывал что ему рассказылал кум его брата что после войны Галилей творил. Да.... вот же были люди! Так что молодцы освоители хозяйских капиталов - знают как давать названия Беларуским новостроям. И главное жеж название написали почти на Беларуской латинке - вот что радует. А да и еще не забудьте покрасить здание в красно зелёный цвет - так будет лучше смотреться на фоне железнодорожного пейзажа и гости из москвы тоже будут рады.
0
Dr. Leper / Адказаць
23.12.2012 / 14:39
Galileo это скорее всего сеть, в Риге тоже есть молл с таким названием.
Каб пакінуць каментар, калі ласка, актывуйце JavaScript у наладах свайго браўзеру