Вядомы ўкраінскі кампазітар і музычны прадзюсар Канстанцін Меладзэ знаходзіўся за рулём аўтамабіля, які збіў 27 снежня на трасе Кіеў — Абухаў пад Кіевам жанчыну.
Па факце ДТЗ распачата крымінальная вытворчасць і ўжо праводзіцца шэраг экспертыз. Алкатэстар паказаў, што Меладзэ быў цвярозы, але ўсё ж у яго ўзялі кроў на аналіз для вызначэння ўтрымання алкаголю. На экспертызу накіраваны і Lexus прадзюсара.
Дакументы ў кіроўцы ў парадку. Ён сам быў за рулём, і ён гэта не адмаўляў. Аўтамабіль належыць яму. Тармазны шлях у аўтамабіля ёсць.Сваю віну Меладзэ прызнаў і зараз актыўна супрацоўнічае са следствам.
Жанчына, якую збіў кампазітар, — 1982 года нараджэння, беспрацоўная. Паводле яго слоў, яна пераходзіла дарогу ў раёне пешаходнага перахода. Жанчына загінула на месцы здарэння.
Распачата крымінальная вытворчасць. Санкцыя артыкула прадугледжвае пакаранне ў выглядзе пазбаўлення волі на тэрмін да васьмі гадоў.
0
0
0
0
0
0
