Студзень. Шчадрэц у Строчыцы.
Студзень. Мастак Алесь Пушкін нагадаў пра зніклых у Беларусі палітыкаў. Гэта зрабіў народ. Перформанс Пушкіна ў Палацы мастацтваў.
Студзень. Андрэй Курэйчык сканчае фільм «Вышэй за неба». Скандал: версія першага беларускага маладзежнага серыяла «Вышэй за неба» з’явілася ў Інтэрнэце».
Люты. БТ прысвяціла Асацыяцыі журналістаў «аналітычны» матэрыял. Ранейшым рэпартажам такога толку наступнічалі забойствы і арышты. Лукашэнкаўцы хочуць знішчыць БАЖ?
Люты. У Беларусі заснавана Літаратурная прэмія імя Ежы Гедройца. У 2012 годзе прэмію атрымаў Павал Касцюкевіч.
Люты. Чорны спіс – 2: шэраг новых забарон на канцэрты беларускіх музыкаў. Вольскі раздае квіткі за адменены канцэрт «Крамбамбулі».
Люты. Рэканструкцыя Тэатра імя Янкі Купалы: знесена палова будынку.
Люты. Два гады за сцяг на навагодняй яліне. Суд над Каваленкам: балаган і драма.
Люты. Чарговы дыпламатычны скандал Беларусі з ЕС — з Мінска ад’язджаюць паслы еўрапейскіх краін. У адказ на такую палітыку беларускіх уладаў актывісты Маладога фронту закідалі будынак беларускага МЗС туалетнай паперай. І за гэта будуць арышты.
Сакавік. Некалькі працоўных мікашэвіцкага «Граніту» распачалі сваё змаганне за стварэнне рэальнага прафсаюза на прадпрыемстве - Хлопцы з граніту: рэпартаж пра рабочых з Мікашэвіч.
Сакавік. «Ляпіс Трубяцкой» цягам года збіраў поўныя арэны беларусаў за межамі Беларусі — Беларуска-смаленскі канцэрт «Ляпісаў».
Сакавік. Маці асуджанага на расстрэл Улада Кавалёва Любоў Кавалева ў дзень, калі Лукашэнка адмовіўся памілаваць Канавалава і Кавалёва.
Сакавік. Неабыякавыя менчукі неслі кветкі да памятнай шыльды ў знак салідарнасці з Уладзіславам Кавалёвым.
Сакавік. Каранацыя без караля. Рок-карона павісла ў паветры: Pomidor/off не з’явіўся.
Красавік. Год пасля тэракта ў мінскім метро – на ўваходзе станцыі «Кастрычніцкая» паставілі памятны знак «Рака памяці». На адкрыццё мемарыяла ахвярам выбуху ў метро прыйшлі сотні людзей.
Красавік. Кандыдат у прэзідэнты Андрэй Саннікаў вызвалены з турмы.
Красавік. Радаўніца. Рэпартаж з Радаўніцы ў цыганоў.
Май. Беларуская маёўка — 2012. Прафсаюзы на маёўцы пад шашлычкі асудзілі санкцыі супраць Беларусі.
Май. Участак вуліцы Карла Маркса на лета зрабіўся пешаходным. Папярэдне па вуліцы з інспекцыяй прайшліся сталічныя ўлады начале з Мікалаем Ладуцькам. Як выглядалі дні на пешаходным участку Карла Маркса – відэа.
Май. У Беларусі прайшлі святкаванні з нагоды 90-годдзя піянерскай арганізацыі — Назад у СССР.
Чэрвень. У Беларусь вярнуўся арыгінальныСтатут ВКЛ.
Чэрвень. Цуд! Гандбольная зборная Беларусі прабілася на чэмпіянат свету. Упершыню за 17 гадоў.
Ліпень. Чарговы Дзень вызвалення Мінска і круглая дата — Лукашэнка кіруе краінай роўна 18 гадоў. Восенню ён нават перагоніць генсека Брэжнева па даўжыні тэрміну кіраўніка краіны. Зрэшты, не ўсе мінчукі дакладна ведаюць, колькі гадоў кіруе Лукашэнка…
Ліпень. 130 гадоў з дня нараджэння Янкі КупалыЛатушка, мітынг і вянок ад прэзідэнта.
Ліпень. Героі лета — плюшавыя мядзведзікі, беларуская супрацьпаветраная абарона і шведскае піяр-агенцтва «Тотал». Над Беларуссю адбыўся Плюшавы дэсант.
Ліпень. За размяшчэнне фотаў плюшавых мядзведзікаў на сайце КДБ арыштаваў студэнтаАнтона Сурапіна. Яго вінавацілі ў... дапамозе незаконнаму перасячэнню дзяржаўнай мяжы. Выпусцілі хлопца толькі праз месяц.
Ліпень. Працы Шагала вяртаюцца ў Беларусь — у калекцыі Нацыянальнага мастацкага музея з’явілася 2 малюнкі мастака з Віцебска.
Жнівень. Легендарны «Ліверпуль» у Беларусі, а, дакладней, у Гомелі, дзе мясцовы клуб спрабаваў прабіцца ў наступны раўнд Лігі Еўропы. Беларусы гулялі выдатна. «Гомель» – «Ліверпуль» 0:1.
Жнівень. Шведскае лета — штраф за фота з мядзведзікам. Журналістак Ірыну Козлік і Юлію Дарашкевіч аштрафавалі за фоты з плюшавым мядзведзікам.
Жнівень. Беларуская лацінка ажыла ў мінскім метро. У метро вывесілі шыльды на правільнай лацінцы.
Верасень. Незвычайны арт-аб’ект мастака Алеся Кудрашова «Калідор вечнасці» ўпрыгожыў сквер Балівара ў Мінску.
Верасень. Выбары – 2012. Байкот. Удзел. Зняццё. Удзел. Карацей мы і самі заблыталіся, але БНФ і АГП знялі кандыдатаў з парламенцкіх “выбараў”.
Верасень. На выбарах-2012 было трохі цікавых вулічных пікетаў. Пікеты ля Камароўкі: бервяно, медсёстры і байкот...
Верасень. ...А таксама лакальных акцый — Боршч для Ярмошынай у пераходзе метро.
Верасень. Вельмі брудны рэпартаж зрабіў сёлета фатограф НН: Гудзілін на Дажынках.
Але на тых жа Дажынках-2012 быў знойдзены беларускі нацыянальны архетып.
Верасень. Парламенцкія выбары адбыліся. Нават без сенсацый. Карцінка з галасавання на вёсцы.
У горадзе ракурсы на ўчастках былі весялейшымі, але яўка не ўнушала даверу. Чо вы на наш участках прыйшлі?
Кастрычнік. Нацыя ледзь не ўваскрэсла. БАТЭ перамог на стадыёне «Дынама» легендарную «Баварыю» 3:1. Такога яшчэ не было!
Кастрычнік. У Беларусь вярнулася некалькі кнігБібліі Францішка Скарыны.
Кастрычнік. Мінскі гей-прайд прайшоў, дакладней, праехаў у трамваі.
Кастрычнік. Альтэрнатыўны Мінск. Velcom прапанаваў менчукам незвычайную экскурсію па беларускай сталіцы.
Кастрычнік. Ад’езд года — Саннікаў, Атрошчанкаў, Бандарэнка.
Кастрычнік. Міс Байнэту стала Паліна Цагалка са Слуцку.
Кастрычнік. Побач з мемарыялам Курапаты паўстае забаўляльны цэнтр «Бульбашъ-Хол». Пратэсты грамадскасці прывялі да таго, што будаўніцтва «Бульбашъ-Хола» ў Курапатах прыпынілі, але канчатковага рашэння няма.
Лістапад. З’езд лукашэнкаўскага аб’яднання «Белая Русь»сабраў больш за 400 дэлегатаў.
Лістапад. Мінскі метрапалітэн у 2012-м павялічыўся на тры новыя станцыі.
Лістапад. Латушку прыбралі з урада, ён стаў паслом — новыя кадравыя прызначэнні ў КДБ ды іншых структурах.
Лістапад. Слава Расіі!У Магілёве прайшоў «Славянскі марш».
Лістапад. Апошні дзень «Вясны» — у праваабаронцаў канфіскавалі офіс,.
Снежань. Вернікі царквы «Новае жыццё» адстаялі свой будынак. ЖРЭУ адмовілася ад сваіх патрабаванняў.
Снежань. Як у Еўропе: па Мінску паехаў двухпавярховы экскурсійны аўтобус.
