17.07.2007 / 12:06

За безьбілетны праезд у менскім грамадзкім транспарце могуць адправіць на прымусовыя працы 2

Адпаведныя прапановы сталічных транспартнікаў ужо ўнесеныя Мінтрансам у дзяржорганы.

Спэцыялісты Агенцыі па распаўсюдзе білетнай прадукцыі КУП «Мінсктранс» распрацавалі новую сыстэму штрафаў для парушальнікаў правілаў праезду ў грамадзкім транспарце. Пра гэта карэспандэнту БЕЛТА паведаміў начальнік аддзела гарадзкіх перавозак агенцыі Анатоль Дземідовіч.

Паводле ягоных словаў, новаўвядзеньні скіраваны на ўзмацненьне адміністрацыйнай адказнасьці безбілетных пасажыраў і носіць назапашвальны характар.

Іншымі словамі за неаднаразовае парушэньне правілаў праезду ці правозу багажу да пасажыра будуць ужывацца больш жорсткія захады — штраф у вялікім памеры, грамадзкія працы і другія захады адказнасьці, патлумачыў Анатоль Дземідовіч.

Адпаведныя прапановы сталічных транспартнікаў ужо ўнесеныя Мінтрансам у дзяржорганы. На думку суразмоўцы, укараненьне новай сыстэмы штрафных санкцый дазволіць стымуляваць насельніцтва да аплаты праезду.

Нагадаем, што сяньня памер штрафу за безьбілетны праезд складае 0,2 базавай велічыні ( 6 200 руб.).‑

БелТА

0
PC / Адказаць
17.07.2007 / 23:46
канешне, iльготы адменяць i адказнаць узмоцняць. Якi пенсiянер цi студэнт заплацiць 500 рублеу за праезд??? канешне колькасць зайцау павялiчыцца, вось яны i рыхтуюцца...
0
Monk / Адказаць
16.08.2007 / 20:32
як 0.2?? было ж 0.5?
Каб пакінуць каментар, калі ласка, актывуйце JavaScript у наладах свайго браўзеру