КХЛ. Мінскае «Дынама» прайграла рыжскаму 2

У чарговым матчы чэмпіянату Кантынентальнай хакейнай лігі мінскае «Дынама» на сваім лёдзе прайграла рыжскаму «Дынама» з лікам — 2:3 (0:2, 1:0, 1:1).

Пасля 39 гульняў «Дынама» з 51 балам займае 9-ы радок у Заходняй канферэнцыі, на адзін пункт адстаючы ад зоны плэй-оф: 8-е месца займае «Данбас» з 52 баламі ў 40 гульнях.

Наступныя тры гульні мінчане правядуць на выездзе: 6 студзеня супраць «Атланта», 8-га — супраць «Лакаматыва», 10-га — з «Тарпеда».

Затым будзе серыя з трох матчаў у Мінску: 17-га (чацвер) «Дынама» прымае «Сібір», 19-га (субота) гуляе з «Амурам», 21-га (панядзелак) — з «Металургам» з Навакузнецка.

nn.by