Лідэр Руху «За свабоду» камэнтуе зьмены найвышэйшага кіраўніцтва КДБ
«Сухарэнка і Дземянцей былі ініцыятыўнымі, але не інтэлектуальнымі выканаўцамі. Важнымі вінцікамі ў сістэме аўтарытарнай улады, заснаванай на гвалце і хлусні. Хутчэй за ўсё за афіцыйнымі фармулёўкамі «перавод на іншае месца працы» хаваецца звычайны для рэжыму Лукашэнкі колаварот наменклатуры. Лукашэнка разумее, што без рэгулярнага ператрусу, ракіровак, у складзе ўлады, могуць стварыцца групоўкі наменклатуры, якія здольныя заявіць свае прэтэнзіі на вышэйшую ўладу. У краіне, дзе няма выбараў, дзе ўлада абапіраецца не на закон, колаварот наменклатуры неабходны для забеспячэння асабістай бяспекі «кіраўніка дзяржавы».
Не трэба чакаць зменаў у працы КДБ. Сённяшняя дзейнасць гэтай арганізацыі, арыентаваная не на забеспячэнне нацыянальнай бяспекі, а на захаванне асабістых інтарэсаў, у тым ліку матэрыяльных, той групы, якая мае ўладу.
Адначасова відавочна, што Лукашэнка ўсё менш давярае свайму бліжэйшаму асяроддзю. Гэта сведчыць аб няўпэўненасці ў цвёрдасці свайго становішча».
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары