07.01.2013 / 09:53

Абас перайменаваў ПНА у «Дзяржаву Палесціна» 5

Палесцінская нацыянальная адміністрацыя (ПНА) зараз будзе насіць назву "Дзяржава Палестына" ва ўсіх афіцыйных дакументах.

Кіраўнік Махмуд Абас падпісаў указ, у якім распарадзіўся ўнесці адпаведныя змены ў афіцыйную сімволіку, уключаючы герб і пячатку, паведаміла дзяржаўнае агенцтва ВАФА.

У дэкрэце гаворыцца, што гэты крок закліканы дапамагчы палесцінскай дзяржаве «ўстаць на ногі і стварыць свае дзяржаўныя інстытуты… а таксама ўмацаваць суверэнітэт».

На мінулым тыдні Абас загадаў Міністэрству замежных спраў і пасольствам пачаць выкарыстоўваць назву «Дзяржава Палесціна» ў афіцыйнай перапісцы,
паведамляе агенцтва Франс-прэс.

У канцы лістапада 2012 г. Палесціна павысіла свой статус у ААН — ад пастаяннага назіральніка да дзяржавы-назіральніка, які не з’яўляецца сябрам ААН. За гэта павышэнне статусу прагаласавалі 138 краін, дзевяць — супраць, 41 дзяржава устрымалася.

Павышэнне статусу дазволіла палесцінцам удзельнічаць у спрэчках на Генеральнай Асамблеі ААН, а таксама павысіла верагоднасць удзелу ў розных агенцтвах ААН і Міжнародным крымінальным судзе, хоць гэты працэс не з’яўляецца аўтаматычным.

У 2011 годзе кіраўнік Палесцінскай адміністрацыі Махмуд Абас падаў заяўку на ўступленне ў ААН на правах паўнапраўнага членства.

Гэтая заяўка была адхіленая, не атрымаўшы падтрымкі Рады Бяспекі ААН.

Палесцінцы спрабуюць дамагчыся прызнання краіны ў межах, якія існавалі да 1967 года, куды ўваходзіў Заходні бераг ракі Іярдан, у тым ліку ўсходняя частка Ерусаліма і Сектар Газа.

Хочаш падзяліцца важнай інфармацыяй ананімна і канфідэнцыйна?

0
Danik / Адказаць
07.01.2013 / 10:08
...Але жыве ўсё роўна Беларусь.
0
Сала-мон / Адказаць
07.01.2013 / 14:25
Гэтая дзяржава жабракоў і тэрарыстаў, як ты яе ні назаві, застанецца тым, чым яна ёсьць. А менавіта: Дзяржава "Абы страляць і каменьнем кідацца". І каб на гэтае грошай давалі. Вось і ўся "дзяржава".
0
Chalawek / Адказаць
07.01.2013 / 17:15
Мае віншаванні! Рады бачыць яшчэ адзін крок да аднаўлення сапраўднай Палестыны! Прыйдзе час, знікне сіянісцкае ярмо штучнага псеўдадзяржаўняга утварэння. Жыве Вольная Палестына!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру