З нагоды Раства Хрыстовага паводле Юльянскага календара да вернікаў з калядным архіпастырскім пасланнем звярнуўся першаіерарх Беларускай аўтакефальнай праваслаўнай царквы, архіепіскап Паўночна-Амерыканскі і Наваградскі Святаслаў (Логін).
Любыя браты і сёстры ў Хрысьце!
Кожны год мы ўрачыста святкуем дзень Хрыстовага Нараджэньня. Гэтае сьвята для хрысьціянаў вельмі важлівае, бо сам Госпад — другая асоба Сьвятое Тройцы — Сын Божы Ісус Хрыстос прыйшоў на Зямлю, каб пазьней прынесьці Сябе ў ахвяру дзеля збаўленьня ўсяго чалавецтва. Ад часу гэтае гістарычнае падзеі Хрыстова Царква ўзбагацілася мноствам Сьвятых людзей, якія па прыкладу Боскаму, самі сваё жыцьцё ахвяравалі Богу. Шмат такіх было і ў Беларускай Царкве. Беларускія Сьвятыя былі душой і гонарам свайго народу і на працягу стагодзьдзяў фармавалі духоўнае аблічча Беларускае нацыі. Абаронцы веры й Бацькаўшчыны жылі ў кожную эпоху, і цяпер
І ні канадзкія маразы, ні аўстралійская сьпякота ніколі не перашкаджалі ім радасна сустракаць Беларускія Каляды.Беларусы-ліцьвіны , якія самі ці іхныя бацькі вымушаныя былі апынуцца ў замежжы, выявілі сваю любоў да зямлі дзядоў захаваньнем роднае веры, мовы й культуры, пабудовай Беларускіх храмаў, дзе ўзносяцца малітвы за волю Беларусі і за ейны народ.
Далёка ня кожнаму Госпад дае сілы духу й магчымасьці змагацца за родную веру й свой народ, але ўсе зможам узьнесьці малітву за тых, хто пакутуе за праўду ў зьняволеньні й на выгнаньні,за ўсіх нашых суайчыньнікаў, што жывуць на Бацькаўшчыне й на чужыне. І хай каляднікі прыходзяць у кожную беларускую хату і радасна віншуюць:
Хрыстос нарадзіўся! Слаўце Яго!
0
0
0
0
0
0