10.01.2013 / 17:33

Беларускі футбаліст Вабга Ц’енчэн стаў Цярэнціем Луцэвічам 17

Сайт мінскага «Дынама» паведамляе, што абаронца клуба Вабга Ц’енчэн перайшоў у арэнду ў «Гомель».

Аднак гэта не адзіная навіна, звязаная з футбалістам.

Ад нядаўняга часу Вабга стаў Цярэнціем Луцэвічам. Спартсмен памяў імя на «больш звыклае для беларускага вуха». Прозвішча ён узяў у бабулі, якая яго выхавала, а імя далі пры хросце.

Вабгу Ц’енчэну 21 год. Нарадзіўся ён у Камеруне, у сям’і беларускі і камерунца. Аднак у хуткім часе жанчына прывезла хлопчыка на Радзіму, хаця сама вярнулася ў Афрыку. Выхоўвала Вабгу бабуля.

У адным з інтэрв’ю футбаліст казаў:

«Ведаю, што мой бацька памёр, а маці пераехала назад у Беларусь, але сустракацца са мной у яе няма жадання… Што ж, гэта яе выбар».

Вядома, што Вабга вучыцца на эканамічным факультэце БДУ, прычым паступаў туды на агульных асновах. Пра расізм у Беларусі ён кажа: «Не сказаў, што пакутую, але заўсёды ёсць людзі, якія коса глядзяць на цябе».

Ц’енчэн выступаў за юнацкую зборную Беларусі па футболе.

Хочаш падзяліцца важнай інфармацыяй ананімна і канфідэнцыйна?

Зміцер Панкавец

0
паляшук / Адказаць
10.01.2013 / 18:39
Поспехаў у спорце і вучобе, Цярэнцій! І не звяртай увагі на касыя позіркі. Пэўна, гэта зайздрасць, тут яе зашмат.
0
Danik / Адказаць
10.01.2013 / 18:50
Няшчасны хлопец, я яго ведаў.
0
Удачы, Цярэнці! / Адказаць
10.01.2013 / 19:18
Удачы, Цярэнці!
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру