19.07.2007 / 12:28

У Горадні зносяць флігель XVIIІ стагодзьдзя 3

Флігель быў пабудаваны па праекце архітэктара Мэзера ў стылі барока

У гістарычным цэнтры Гродна зносяць флігель палаца віцэ‑адміністратара, пабудаванага ў 1794 годзе.

Пра гэта БелаПАН паведаміў актывіст кампаніі па захаванні гістарычнага цэнтра Гродна, краязнаўца Сцяпан Свідзерскі. Будынак размешчаны па адрасе: вуліца Горкага, 2а.

Флігель быў пабудаваны па праекце архітэктара Мэзера ў стылі барока і выкарыстоўваўся як стайня. «У гэтым флігелі былі цалкам захаваныя з XVIIІ стагоддзя сцены, адна з якіх ужо знесена, — паведаміў С.Свідзерскі. — Цяпер работы працягваюцца. На з’яўленне людзей з відэа‑ і фотакамерамі рабочыя рэагуюць агрэсіўна.

Паводле інфармацыі С.Свідзерскага, будынак флігеля належыць Гродзенскай епархіі. «Замест яго павінна з’явіцца невялікая царква і гаспадарчая пабудова, — зазначыў краязнаўца. — Раней прадстаўнікі епархіі заяўлялі, што будынак будзе захаваны».

Тацяна Каравянкова, БелаПАН

0
чалавек з кінаапаратам / Адказаць
19.07.2007 / 14:43
трэ кожнага перапісаць і пасьля прыцгнуць да адказнасьці.
0
Залеўскі / Адказаць
19.07.2007 / 14:45
Зьнішчана дзьве сьцяны. Але будаўнікі абяцаюць, што хутка флігель будзе зьнішчаны цалкам. Моладзь выехала на Басовішча, я таксама 4 месяцы запар не мог займацца толькі абаронай Горадні. Таму мусіў на некалькі дзёнь выехаць... Пад час руйнаваньня нават ніхто пад коўш ня кінуўся - вось што крыўдна. Нават, заангажаваная ў змаганье моладзь, на жаль, не змагла ў момант змабілізавацца. Усё трымаецца на некалькіх асобах. Яны на момант "выпалі" - і будынка няма. Спадзяваўся на магчымую ратацыю лідэраў - не атрымалася... Дэмакратычная супольнасьць знаходзіцца толькі ў зародку. Хоць і гэта ўжо посьпех, калі параўноваць сытуацыю ў Горадні паўгады таму. На жаль, толькі, што гэта ня можа служыць апраўданьнем перад нашымі ўнукамі, якія ўжо ня ўбачаць Горадні, якую бачылі мы.
0
pan Brudas / Адказаць
19.07.2007 / 20:32
Пане Залеўскі, бардзюры з надпісам Магістрат Гродна таксама зьніклі - замест іх кладуць гранітныя бардзюры (добра, хоць без надпісаў Діагональ Гродно). Дык што з абяцаньнямі будаўнікоў пакласьці іх назад, пра якія Вы неяк раней тут пісалі?
Каб пакінуць каментар, калі ласка, актывуйце JavaScript у наладах свайго браўзеру