Ліхтаровіч падоўжыў кантракт з БАТЭ

Для аднаго з сімвалаў барысаўскага клуба, якому 1 сакавіка споўніцца 35 гадоў, будучы сезон стане ўжо дванаццатым у форме барысаўскай каманды.

За тузін гадоў Дзмітрый Ліхтаровіч правёў у складзе БАТЭ 378 гульняў, у якіх забіў 9 галоў (чэмпіянат Беларусі — 254/5, Кубак — 46/2, Суперкубак — 3/0, еўракубкі — 75/2).

У мінулым годзе капітан БАТЭ выходзіў на поле 31 раз (чэмпіянат — 19, Кубак — 2, Суперкубак — 1, Ліга чэмпіёнаў — 9) і паклаў у сваю скарбонку 9-е золата нацыянальных чэмпіянатаў (восем у шэрагах БАТЭ, адно, калі выступаў за магілёўскі «Дняпро-Трансмаш»).

Кантракт з БАТЭ падоўжаны яшчэ на адзін год.

Паводле fcbate.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ