БАТЭ прадаў Сіміча ў «Кайсерыспор» за 1 млн еўра 1

Сіміч у форме новага клуба.

Сербскі абаронца працягне кар’еру ў клубе элітнага турэцкага дывізіёна «Кайсерыспор», з якім падпісаў сёння пагадненне.

Марка Сіміч прыйшоў у БАТЭ ў 2011 годзе.

Сума трансферу склала 1 млн еўра, паведамляе сайт турэцкага клуба. Кантракт заключаны на 3,5 года.

«Кайсерыспор» — футбольны клуб турэцкай суперлігі з горада Кайсеры ў цэнтры краіны.

Заснаваны ў 1966 г., належыць абазіна-чаркескай дыяспары горада. У мінулым сезоне фінішаваў 11-м. Трэніруе клуб знакаміты ў мінулым харвацкі футбаліст Роберт Прасінечкі.

Зараз «Кайсерыспор» займае ў турнірнай табліцы 15-е месца. У 18-м туры згуляе 19 студзеня ў гасцях з «Бурсаспорам».

***

Нагадаем, што раней з БАТЭ у «Аланію» сышоў Рэнан Брэсан і наадварот клуб працягнуў кантракты з Аляксандрам Глебам і Дзмітрыем Ліхтаровічам, выкупіў кантракт Міхаіла Сівакова.

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ