Журналіст Адар’я Гуштын атрымала ліст ад палітвязня Мікалая Аўтуховіча. Ліст напісаны ўжо пасля 7 студзеня, калі Аўтуховіч адзначыў свае пяцідзясятыя ўгодкі.
«Паведаміў, што атрымаў 200 віншаванняў, у тым ліку і маё. Падзякаваў, пацікавіўся, як прайшоў для мяне Новы год. Вось усё — гэтым разам кароткі ліст.
Раней ён больш пісаў, але, як я мяркую, проста не мае часу, бо зараз адказвае на ўсе гэтыя 200 віншаванняў, якія атрымаў».
Мікалая Аўтуховіча, як і Змітра Дашкевіча, трымаюць у адзіночцы ў гродзенскай турме. Прадпрымальнік таксама лічыцца злосным парушальнікам рэжыму.
***
Упершыню ваўкавыскі прадпрымальнік Мікалай Аўтуховіч быў арыштаваны ў кастрычніку 2005 года. Абвінаваціўшы ў нявыплаце падаткаў, яго асудзілі на тры з паловай гады. Ён быў адным з шасці палітзняволеных, вызваленых у выніку жорсткіх санкцый ЗША і ЕС.
Мікалай Аўтуховіч другі раз быў арыштаваны чатыры гады таму, 8 лютага 2009 г., і асуджаны 6 траўня 2010 г. Вярхоўным судом Рэспублікі Беларусь па ч. 3 арт. 295 КК (незаконныя дзеянні ў адносінах да агнястрэльнай зброі, боепрыпасаў і выбуховых рэчываў) да 5 гадоў і 2 месяцаў пазбаўлення волі ва ўмовах строгага рэжыму.Рашэннем суда ад 17 студзеня 2012 г. умовы адбыцця пакарання былі змененыя на больш жорсткія, пераведзены з калоніі № 5 у Івацэвічах ў турму № 1 г. Гродна.
0
0
0
0
0
0
