20.01.2013 / 12:07

Бізнесмен Кім Датком адкрыў новы файлаабменнік

Запрацавала новая версія аднаго з найбуйнейшых у свеце файлаабменнікаў Megaupload.

Гэта адбылася праз год пасля таго, як па патрабаванню амерыканскіх улад сайт быў зачынены, а яго ўладальнік Кім Датком арыштаваны ў Новай Зеландыі.

Новая версія Megaupload завецца проста Mega. Сайты падобнага тыпу даюць карыстачльнікам магчымасць запампоўваць на іх уласныя файлы і спампоўваць чужыя.

Бізнесмен нямецка-фінскага паходжання Кім Датком, адпушчаны ў лютым мінулага года пад заклад і цяпер чакае рашэння новазеландскага суда аб экстрадыцыі ў ЗША, 20 студзеня ўвечары правядзе ў сябе дома банкет з нагоды перазапуску сайта.

У інтэрв’ю агенцтву Рэйтэр ён заявіў, што прынцып функцыянавання сайта Mega не парушае ніякіх законаў. Праграміст дадаў, што спробы зачыніць рэсурс будуць беспаспяховымі.

«З юрыдычнага пункту гледжання, няма нічога, што дало б нагоду нас зачыніць. Гэты сайт мае такое ж права на існаванне, як і яго канкурэнты накшталт Dropbox, Boxnet і іншых», — сказаў прадпрымальнік.

Каб пакінуць каментар, калі ласка, актывуйце JavaScript у наладах свайго браўзеру