26.01.2013 / 17:16

Зміцер Дашкевіч пакутуе ад запалення цэнтральнага нерва 5

Яму робяць абязбольвальныя ўколы.

Стаў вядомы дыягназ хваробы, ад якой пакутуе ў Гродзенскай турме лідар Маладога фронта Зміцер Дашкевіч. «У Змітра лекары выявілі запаленне цэнтральнага нерва», — паведаміла жонка палітвязня Наста Дашкевіч. Паводле яе звестак, Зміцер ад прыступу хваробы не мог нармальна рухацца і турэмныя лекары калолі яму абязбольваючыя лекі. «Але гэта лячэнне часовае, і далей Змітру патрэбна сталая медычная дапамога», — кажа Наста.

Днямі ліст ад Змітра Дашкевіча атрымаў палітвязень Павал Севярынец, які адбывае «хімію» ў Пружанскім раёне. Павал Севярынец адзначае, што і гэты ліст ад Дашкевіча, як і былыя, вельмі аптымістычны і светлы. «Пра сваю хваробу ён нічога не напісаў, але гэта як заўсёды — ён ніколі не скардзіцца на здароўе, што б з ім ні было», — кажа Павал Севярынец.

Дашкевіч і Севярынец праз лісты абменьваюцца і меркаваннямі пра палітычную сітуацыю. Гэтым разам ацэнкі Зьмітра Дашкевіча супалі з меркаваннем Паўла Севярынца.

«Асабліва шмат тут не скажаш, а коратка можна параўнаць палітычную сітуацыю з балотам. І ён так пра яе і кажа. Нават яму з турмы гэта бачна».

Змітра Дашкевіча ўтрымліваюць ў гарадзенскай турме. Перад заканчэннем двухгадовага тэрміну зняволення нібыта за хуліганства напярэдадні выбараў палітвязня асудзілі яшчэ на год за непадпарадкаванне адміністрацыі калоніі і кінулі ў турму як злоснага парушальніка рэжыму.

0
Valkyrija / Адказаць
27.01.2013 / 00:55
У які раз кажу - з "балота" неабходна выбірацца на сухое месца! ----- Аналітык з Брэстчыны можа быць задаволены стоадсоткавымі супадзеннямі яго прагнозаў... Што ж чакаем наплыву кітайцаў і іншых "немцаў"
0
Ales J / Адказаць
27.01.2013 / 09:32
Лідэр Маладога фронта Зміцер Дашкевіч сядзіць у турме. Засуджаны на два гады за Плошчу. Часта сядзіць у карцэры за непадпарадкаванне адміністрацыі калоніі. «У Змітра лекары выявілі запаленне цэнтральнага нерва», — паведаміла жонка палітвязня Наста Дашкевіч. У турме ён, падобна, "не стаў на шлях выпраўлення", не адступіўся ад сваіх перакананняў - і яму накінулі новы тэрмін - год! стала тры - як злоснаму парушальніку рэжыму. Палітвязню Паўлу Севярынцу пашэнціла непараўнальна больш. За тую ж Плошчу ён атрымаўшы таксама тры гады, вось толькі не турмы, а вольнага пасялення. Удзячны лёсу, ён адорвае стуль усіх нас шыкоўнымі матэр'яламі пра нашую Беларусь, якую ўсіх нас заклікае любіць. не зважаючы ні на што! Добра што Зміцер і Павал перапісваюцца. Павал піша мудрыя рэчы, кепскага не падскажа. Змітру даўно "з "балота" неабходна выбірацца на сухое месца", пакуль здароўе дазваляе.
0
Зьміцер / Адказаць
27.01.2013 / 10:46
Няма такого паняцьця, як "Запаленьне цэнтральнага нэрву", як няма і нэрву з такой назвай. Ёсьць Цэ нтральная нэрвовая сістэма, у якую ўваходзяць розныя нэрвы, якія маюць свае назвы.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру