27.01.2013 / 20:01

Газеты Frankfurter Allgemeine і Die Zeit закрываюць бюро ў Расіі: вялікія выдаткі і прадказальныя тэмы 1

Адразу дзве вядомыя нямецкія газеты, Frankfurter Allgemeine і Die Zeit, закрываюць свае бюро ў Расіі, паведамляе Deutsche Welle.

На думку радыёстанцыі, асноўныя прычыны такога рашэння — вялікія выдаткі на аплату знаходжання ў Маскве і ўсё ніжэйшая цікавасць нямецкага чытача да таго, што адбываецца ў Расіі. Як заявіў у інтэрв’ю DW карэспандэнт Die Zeit у Маскве Ёханэс Фасвінкель, закрыццё бюро варта было прымеркаваць яшчэ да «трэцяга тэрміна» Уладзіміра Пуціна.

«Такім чынам, кола абавязковых тэмаў нямецкага журналіста, які працуе ў Расіі, прадказальны: падаўленне іншадумства, прыняцце антыдэмакратычных законаў, эканамічныя цяжкасці. Не тыя тэмы, якія аўтаматычна гарантуюць чытацкую цікавасць», — заявіў Фасвінкель.

Раней сваю прысутнасць у Маскве скарацілі Süddeutsche Zeitung (застаўся толькі адзін карэспандэнт), а штотыднёвік Stern «замарозіў» сваё прадстаўніцтва, захаваўшы толькі юрыдычны адрас.

0
LMI / Адказаць
27.01.2013 / 20:23
С цяжкасьцямі, але ж дайшло нават да немецкіх выданьняў і радыестанцый - Расея нязьменна. Была яна апірашчынам тыраніі, жандарам над усім вольным, мядзьвежым кутом з нішчым насельніцтвам - такой і застанецца. Ей гэты лес наканаваны. І мы за ей шпацыруем. Уяўляю сабе, якая таска невыносная працаваць журналістам тут на Беларусі.
Каб пакінуць каментар, калі ласка, актывуйце JavaScript у наладах свайго браўзеру