31.01.2013 / 13:20

Сяржанта магілёўскага АМАПа затрымалі за вымагальніцтва 3

У Магілёве супрацоўнік АМАПа вымагаў грошы за станоўчае вырашэнне пытання пра незавядзенне крымінальнай справы.

Следчы камітэт па Магілёве распачаў у дачыненні да былога сяржанта АМАПа крымінальную справа за махлярства. Паволдле дадзеных следства, баец спецпадраздзялення атрымаў ад мясцовага жыхара два мільёны рублёў за незавядзенне крымінальнай справы.

Між тым экс-праваахоўнік не мог вырашыць гэтае пытанне, таму што яно было па-за яго кампетэнцыяй.

На наступны дзень пасля атрымання хабару сяржант звольніўся з органаў па пагадненні бакоў, гэта значыць па матывах, што не дыскрэдытуюць ні яго, ні органы ўнутраных справаў.

Праваахоўнікі праводзяць расследаванне ў дачыненні да былога калегі. Калі віна будзе даказаная, максімальны тэрмін пазбаўлення волі для яго будзе роўны двум гадам.

0
мясцовы2 / Адказаць
31.01.2013 / 14:12
па мільёну на год не так ужо і дрэнна, магло быць і горш.
0
віКніК / Адказаць
31.01.2013 / 15:53
добра прыдумалі - па пагадненнях бакоў і ні адзін бок не дыскрэдытуецца і яшчэ.... гэта было не ў яго кампетэнцыі - кошт пытання 2млн руб і далейшы арышт а калі б было ў яго кампетэнцыі - кошт пытання 2 млн дал. і павышэнне
0
Richtigman / Адказаць
31.01.2013 / 16:29
Szto,sluzhboucy zlych AMAPau- Biessaromna biaruc` u<, Chabar dobry,atrymauschy? Szto tut skazha<>?!
Каб пакінуць каментар, калі ласка, актывуйце JavaScript у наладах свайго браўзеру