Хакеры ўзламалі чвэрць мільёна акаўнтаў сацыяльнай сеткі Twitter, паведаміў дырэктар па інфармацыйнай бяспецы кампаніі Боб Лорд.

Па словах Лорда, разам з паролямі ў 250 тысяч падпісантаў сацыяльнай сеткі маглі быць выкрадзеныя дадзеныя аб лагінах, электроннай пошце і іншая персанальная інфармацыя.

Twitter адразу ж ануляваў паролі меркаваных ахвяраў узломшчыкаў і праінфармаваў іх аб гэтым па электроннай пошце.

Па словах Лорда, хакерская атака «з’яўляецца справай рук прафесіяналаў». Дырэктар па інфармацыйнай бяспецы Twitter таксама лічыць, што яна падобная на нядаўнія узломы сайтаў амерыканскіх газет New York Times і Wall Street Journal.

Пацярпелыя ад выхадак хакераў выдання раней паведамілі, што напад на іх серверы быў здзейснены з Кітая.

Хочаш падзяліцца важнай інфармацыяй ананімна і канфідэнцыйна?