У Гомелі выбралі «Прыгажуню Палесся» — фота 9

Пераможца, другакурсніца Універсітэта транспарту Маргарыта Букшта.

Вераніка Чачына з Гомеля перамагла ў дзвюх намінацыях: «Прыгажосць і грацыя» і «За імкненне да перамогі».

Першай віцэ-міс стала жыхарка Кастрычніцкага Наталля Лазута.

Пераможца інтэрнэт-галасавання і ўладальніца тытулу «Другая віцэ-міс» — Анастасія Кузняцова з Веткі.

Былі і мужчыны мадэлі, праўда, па-за конкурсам: дэманстрацыя калекцыі фабрыкі «Камінтэрн».

Баяніст Віталь Варанко.

Танцоры з Trend Deluxe паказалі антычнае шоу.

Выступаў у Гомелі і Litesound.

У Гомелі 9 лютага прайшоў конкурс прыгажосці і грацыі «Прыгажуня Палесся».

Яго арганізаваў цэнтр моды і прыгажосці «Крыштальная німфа» пры падтрымцы генеральнага партнёра мерапрыемства гомельскага ВА «Крышталь».

Квіткі на мерапрыемства каштавалі 45–55 тысяч рублёў. Зала Гомельскага гарадскога цэнтра культуры была амаль цалкам запоўненая.

Кастынгі праводзіліся ў Гомелі і некалькіх раённых цэнтрах, паведамляе БелаПАН.

У фінал конкурсу адабралі 18 прэтэндэнтак з Гомеля, Мазыра, Калінкавічаў, Кастрычніцкага, Веткі, Светлагорска і Лоеўскага раёна.

У ліку чальцоў журы былі генеральныя дырэктары прадпрыемстваў «Крышталь» і «Камінтэрн», дырэктар — мастацкі кіраўнік цэнтра «Крыштальная німфа» Клім Андрэеў, вядомы мінскі стыліст, дырэктар салона прыгажосці «Мусон» Аляксандр Кірынюк.

Удзельніцы конкурса выходзілі на подыум у купальніках ад «Мілавіцы», вясельных сукенках, а таксама ў строях ад найлепшых беларускіх дызайнераў —

O.Jen, Historia Naturalis, Natasha TSU RAN і Papilio.

Пакуль дзяўчаты мянялі строі, гледачоў забаўлялі хлопцы з групы Litesound (удзельнікі мінулагодняга «Еўрабачання»), гурт «Ямайка», гомельскі джаз-бэнд Vasabi Jazz Band, танцоры з Trend Deluxe ды баяніст Віталь Варанко, удзельнік «Акадэміі талентаў» ды адборачнага тура «Еўрабачання-2013».

Прыгажуняй Палесся была прызнаная гамяльчанка, студэнтка-другакурсніца Беларускага дзяржаўнага універсітэта транспарту Маргарыта Букшта.

Першай і другой віцэ-міс сталі жыхарка Кастрычніцкага Наталля Лазута і Анастасія Кузняцова з Веткі. У якасці галоўных прызоў яны атрымалі каштоўныя ўпрыгажэнні ад прадпрыемства «Крышталь».

Аксана Рудовіч; інф. БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ