13.02.2013 / 14:00

Першую беларускамоўную гульню для андроідаў спампавалі больш за 5000 разоў 2

Платную версію купілі толькі 50 чалавек.

Першая беларускамоўная гульня для смартфонаў-андроідаўз’явілася ў кастрычніку 2012 года. PaperHell — прыгоды маленькага намаляванага чалавека — стварыла арт-студыя Pras. Гэтае слова можна перакласці як «папяровы чорцік». Герой гульні бегаў па экране і ратаваўся ад монстраў, якія падалі зверху.

Спачатку PaperHell каштаваў $1, а пасля стаў бясплатным. Ці карыстаўся ён попытам у карыстальнікаў андроідаў?

На гэты момант колькасць спамповак ужо пераваліла за 5000. Прычым найбольш прыгоды папяровага чалавека ўпадабалі амерыканцы (23% спамовак).
На другім месцы Расія (19%) і толькі на трэцім — Беларусь (12%). Пасля з вялікім адрывам ідуць Украіна, Германія, Мексіка і іншыя краіны (менш за 3%).

Што да мовы карыстальнікаў, то расійская і англійская ідуць фактычна нага ў нагу — 35% супраць 33%. Нагадаем, беларускай мовы ў інтэрнэт-краме праграм Google Play няма.

«Ніякай дадатковай рэкламы мы не рабілі, — кажа Мікалай Тамашэвіч. — Спрацавала сарафаннае радыё. Дарэчы,

траціна спамповак актыўная — значыцца, людзі карыстаюцца».

Водгукі пра PaperHell розныя. Гульня атрымала 30 ацэнак, сярэдні бал — 4,1 па 5-бальнай шкале. «Не разумее мозг, адкуль такія каментары з ацэнкамі, гульня адстой», — пішуць адныя. «Шпілю, не адрываючыся, ужо больш за тыдзень! Усе аднакласнікі пытаюцца, дзе купіў, а я ім: пацаны, яна ж бясплатная!», — даводзяць іншыя.

Што да платнай версіі, то яна карыстаецца нашмат меншым поспехам. Гульню набылі каля 50 чалавек.
Але з сабраных $50 стваральнікам дасталася толькі палову. $25 давялося заплаціць за стварэнне рахунку ў Google Play.

Ягор Марціновіч

0
Vadzim / Адказаць
13.02.2013 / 14:22
> Нагадаем, беларускай мовы ў інтэрнэт-краме праграм Google Play няма. Як гэта няма? Пракруціце любую старонку Google Play ўніз ды выберыце беларускую мову са спісу!
0
liashkom / Адказаць
13.02.2013 / 22:20
Цікава, у мяне стаіць беларуская мова ў гугл-плэй, а ў вас яе няма.
Каб пакінуць каментар, калі ласка, актывуйце JavaScript у наладах свайго браўзеру