Біятлон. Беларусь у эстафеце 7-я; Бергер заваявала 4-е золата 1

Лідар каманды Нарвегіі Тура Бергер заваявала чацвертае золата на чэмпіянаце свету.

На чэмпіянаце свету па біятлоне, што праходзіць у Чэхіі, у пятніцу прайшла жаночая эстафета (4×6 км). Золата выйграла каманда Нарвегіі на чале з Турай Бергер з вынікам 1 гадзіна 8 хвілін 11 секундаў (1 штрафное кола + 9 дадатковых патронаў).

Украіна заваявала срэбра (+7,0; 0+5), Італія — 3-я (+11,6; 0+4). Расія -- 4-я (+29,0; 0+7), Германія -- 5-я (+30,9), Францыя -- 6-я (+36,7).

Зборная Беларусі — Надзея Скардзіна, Людміла Калінчык, Анастасія Дубарэзава, Дар’я Домрачава — заняла 7-е месца, адстаўшы на 1 хвіліну, 2,2 хвіліны (1+7).

У суботу пройдзе эстафета ў мужчынаў, а завершыцца чэмпіянат свету мас-стартамі ў нядзелю. У Беларусі пакуль няма медалёў на чэмпіянаце.

Медалі: Нарвегія — 7 медалёў (6 залатых, 1 срэбраная), Украіна — 5 (1, 1, 3), Францыя — 4 (1, 3, 0), Германія — 1 (0, 1, 0), Польшча — 1 (0, 1, 0), ЗША — 1 (0, 1, 0), Чэхія — 1 (0, 0, 1), Расія — 1 (0, 0, 1), Славенія — 1 (0, 0, 1), Швецыя — 1 (0, 0, 1), Італія — 1 (0, 0, 1).

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ