30.07.2007 / 13:23

Чарговы пракол ОНТ 8

На ОНТ зблыталі пісьменьніка Генрыка Сянкевіча з вандроўнікам і тэлевядучым Юр'ем Сянкевічам.

Чарговы пракол на мінулым тыдні здарыўся на тэлеканале ОНТ.

У вечаровай праграме «Наши новости» ў суботу 28 ліпеня быў паказаны рэпартаж пра сплаў па рацэ Нёман лодкі, якую пабудавалі рабочыя гуты «Нёман» зь Бярозаўкі.

У рэпартажы прагучэла наступная фраза:

«Лодка бярозаўскіх майстроў — паменшаная копія знакамітай лодкі «Ра», на якой нарвэскі падарожнік Тур Хеердал разам з Генрыкам Сінькевічам амаль сорак гадоў назад перасеклі Атлантычны акіян».

Насамрэч польскі пісьменьнік беларускага паходжаньня Генрых Сянкевіч памёр ў 1916 г., у той час Туру Хеердалу было ўсяго два гады.

На лодцы «Ра» разам з нарвэжцам Хеердалам езьдзіў Юры Сянкевіч, вядомы беларускаму гледачу па праграме «Клюб падарожнікаў», якая шмат гадоў ішла на розных расейскіх тэлеканалах. Памылка на сайце на 13.20 не была выпраўленая.

Нагадаем, што на мінулым тыдні ОНТ ужо зрабіў адзін пракол, выбіўшы барысаўскі БАТЭ зь Лігі чэмпіёнаў.

Зьміцер Панкавец

0
Гы / Адказаць
30.07.2007 / 14:44
брахучка
0
Пан Яўген / Адказаць
30.07.2007 / 14:47
Я калі ўчора ўбачыў ГЭТА пачаў меркаваць, што ў мяне з памяццю нешта здарылася. Ан нет, гэта быдлоідам ідэёлагі ўсялягую дурноту дыктуюць, а тэлевізіёншчыкі нават свае рэшткі ад мозга не ўключаюць. Як жа смешна было, калі назву лодцы па-беларуску нават не агучылі ніводнага разу. А потым крупным планам дзяржаўны сцяг. Цікава, наяўнасць дзяржаўнага сцягу гэта абязкова для лодкі, як на аўта-намерах закат над балотам?? Адразу ж бачна, што галоўны СЦЯГ - гэта чырвоная кропка на парусе, своеасаблівы Бел-Чырвона-Белы сцяг. Ужо не аднойчы бачыў такое ў Беларусі. Калі японскі сцяг выкарыстоўваецца як Беларускі Нацыянальны.
0
U 7 / Адказаць
30.07.2007 / 14:53
Целяпачаньне...
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру