Выбух у Серабранцы: ёсць ахвяры й параненыя + фоты 5
У некаторых кватэрах разбураныя сцены. МНС: прычынай пажару быў выбух бытавога газу.
Два чалавекі загінула 23 лютага ў выніку буйнога пажару на вуліцы Пляханава ў Менску.
Паводле звестак прэс-службы МНС, у 16.43 па лініі «101» паступіла паведамленне аб пажары ў некалькіх кватэрах на апошнім паверсе дзевяціпавярховага дома па вул. Пляханава, 85. Супрацоўнікі МНС, якія прыбылі да месца, «неадкладна прыступілі да выратавання і эвакуацыі людзей, тушэння пажару». «У лічаныя хвіліны» звёнамі газадымаахоўнай службы МНС было выратавана дзевяць чалавек, эвакуіравана 22.
У адной з кватэр былі знойдзены целы дваіх чалавек. Цалкам пажар быў ліквідаваны ў 18.03. Звесткі аб пацярпелых удакладняюцца.
