25.02.2013 / 16:31

Каліноўскі вешае Мураўёва. Выйшла настольная гульня «Паўстанцы» 25

«Паўстанцы» — першая беларуская настольная гульня, у якой вы можаце паглыбіцца ў атмасферу 1863 года і зрабіцца знакамітай гістарычнай асобай (Каліноўскім, Урублеўскім, Мураўёвым і інш.) альбо простым беларусам і ўплываць на ход паўстання.

Гульня пабудаваная найперш на зносінах паміж людзьмі, абмеркаванні і выказванні сваёй пазіцыі. Падманваць, хлусіць, па-майстэрску блытаць прысутных і бязлітасна забіваць суперніка — права кожнага ўдзельніка. Гульня-мадэляванне паўстання 1863 года зробленая цалкам на беларускай мове, удзел могуць браць ад 6 да 20 чалавек.

Ініцыятыва стварэння гульні належыць маладому гарадзенцу Антону Янкоўскаму і дызайнерцы Настассі Лукашковай.

Прэзентацыя гульні адбудзецца:

28 лютага ў Гародні ў 18.00 у мастацкай галерэі «Крыга»;

2 сакавіка ў Мінску ў 18.00 у кнігарні «ЛогвінаЎ».

На прэзентацыях вас чакае падрабязны аповед пра cтварэнне гульні, магчымасць упершыню пагуляць і набыць яе для ўласнага карыстання, а на сталічнай імпрэзе — яшчэ і карысныя прызы-сюрпрызы ад грамадскай кампаніі «Будзьма беларусамі!».

Стваральнікі запрашаюць далучыцца да афіцыйнай суполкі гульні ўкантакце.

Хочаш падзяліцца важнай інфармацыяй ананімна і канфідэнцыйна?

budzma.org

0
анон / Адказаць
25.02.2013 / 16:39
Типа мафии что ли? должна объединить народ!
0
Паўстанец / Адказаць
25.02.2013 / 16:41
Дзякуй, вельмі добра. Каб яшчэ быў кампутарны варыянт - было б цудоўна! За Каліноўскага, браты-ліцьвіны! Рукі прэч Расея!!!
0
Алесь Беларус / Адказаць
25.02.2013 / 16:42
Колькi каштуе?
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру